سپریم کورٹ نے ہراساں کرنےسےمتعلق درخواست غیرمؤثر ہونےپرنمٹادی۔
تفصیلات کے مطابق سپریم کورٹ کراچی رجسٹری میں سوک سینٹرکےقریب 272ایکڑسرکاری زمین کی خریدوفروخت کے معاملے پر سماعت ہوئی۔
وکیل درخواست گزارنے عدالت کو بتایا کہ نیب کی جانب سےاقبال احمد کوہراساں کیا جارہاہے۔ سال 2019 سےمعاملہ زیرالتواء ہے نوٹس جاری کیےجارہےہیں۔
سپریم کورٹ میں نیب کےوکیل اورمتعلقہ تفیشی افسرپیش ہوئے، وکیل نیب نے عدالت سے کہا کہ ہم نےتاحال گرفتاری سےمتعلق کوئی نوٹس اقبال احمد کوجاری نہیں کیا۔ پرائیوٹ پرسن اقبال احمد کی انکوائری مکمل کرلی گئی طلبی کےنوٹس پراقبال احمد آج تک نیب میں پیش نہیں ہوئے۔
جسٹس محمد علی مظہرنے استفسارکیا کہ کیا آپ نےانکوائری مکمل کرلی ہے؟ وکیل نے جواب دیا کہ جی ہم نےانکوئری مکمل کرلی ہے جس پر عدالت نے سوال کیا کہ ریفرنس کیوں فائل نہیں ہوسکا۔
وکیل نیب نے جواب دیا کہ ریفرنس کیلئےچئیرمین نیب کورپورٹ جلد ارسال کی جائیگی۔ تفتیشی افسرنے بتایا کہ طریقہ کارمکمل ہونے پرریفرنس فائل کردیا جائیگا۔
عدالت نے کہا کہ جلد اس معاملےکونمٹائیں انکوائری میں جوبھی تفتیش کی ہےاسےریفرنس کا حصہ بنائیں۔ تفتیشی افسرنے جواب دیا کہ اس دوران 25ایکڑزمین واگزارکرلی گئی ہے۔
اس کے ساتھ ہی عدالت نےہراساں کرنےسےمتعلق درخواست غیرمؤثر ہونے پرنمٹادی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News