کینیا: ہیلی کاپٹر حادثے میں آرمی چیف سمیت 10 فوجی افسران ہلاک

ویب ڈیسک

19th Apr, 2024. 02:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کینیا: ہیلی کاپٹر حادثے میں آرمی چیف سمیت 10 فوجی افسران ہلاک

کینیا میں ہیلی کاپٹر حادثے میں آرمی چیف جنرل فرانسس اوگولا سمیت 10 فوجی افسران ہلاک ہوگئے۔

بین الاقوامی خبررساں ادارے کے مطابق کینیا کے صدر ولیم روٹو نے ٹیلی وژن پر قوم سے خطاب میں حادثے سے متعلق بتایا کہ فوجی سربراہ جنرل فرانسس اوگولا کا فوجی ہیلی کاپٹر ٹیک آف کے فوراً بعد گر کر تباہ ہو گیا جس میں ان سمیت 10 فوجی افسران ہلاک ہوگئے۔

صدر نے اسے ملک کے لیے ناقابل تلافی نقصان قرار دیتے ہوئے 3 روزہ قومی سوگ منانے کا اعلان کیا۔

انہوں نے بتایا کہ جنرل فرانسس اوگولا دیگر 9 اعلیٰ فوجی افسران کے ہمراہ دارالحکومت نیروبی سے شمالی علاقوں کے عسکری دورے اور ایک اسکول کی تزئین و آرائش کا معائنہ کرنے کے لیے روانہ ہوئے تھے۔

ولیم روٹو نے مزید کہا کہ ملک کی تقریباً تمام ہی اعلیٰ فوجی قیادت کی ہلاکت کے پیش نظر ملک کے دفاعی معاملات پر قومی سلامتی کا ہنگامی اجلاس طلب کرلیا ہے۔

انہوں نے کہا کہ دو فوجی اس حادثے میں بچ گئے ہیں اور وہ اسپتال میں زیر علاج ہیں۔

صدر ولیم روٹو نے کہا کہ حادثے کی وجہ دریافت کرنے کے لیے ایک فضائی تحقیقاتی ٹیم بھیجی گئی ہے تاہم ابھی تک حادثے کی وجہ کا تعین نہیں کیا جا سکا ہے ۔