حزب اللہ کا اسرائیل پر میزائل اور ڈرون حملہ، متعدد اسرائیلی فوجی زخمی

ویب ڈیسک

18th Apr, 2024. 10:42 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حزب اللہ کا اسرائیل پر میزائل اور ڈرون حملہ، متعدد اسرائیلی فوجی زخمی

لبنانی مسلح گروپ حزب اللہ نے شمالی اسرائیل میں ایک فوجی تنصیب پر میزائل اور ڈرونز سے حملہ کیا ہے جس میں کم از کم 14 اسرائیلی فوجی زخمی ہوئےہیں ۔

عرب میڈیا کی رپورٹ کے مطابق حزب اللہ نے حملوں کی تصدیق کرتے ہوئے کہا یہ کارروائی عین البال اور شہابیہ میں کیے گئے ان اسرائیلی حملوں کے جواب میں کی گئی جس میں حزب اللہ کے اہلکار شہید ہوئے تھے۔

حزب اللہ کی جانب سے جاری بیان کے مطابق 17 اپریل کو اسرائیلی قصبے میں فوجی تنصیاب پر گائیڈڈ میزائل اور ڈرونز کے ذریعے حملہ کیا گیا۔

اسرائیل کی جانب سے حملے کی تصدیق کرتے ہوئے 14 فوجیوں کے زخمی ہونے کا بتایا جن میں سے 6 کی حالت تشویش ناک ہے۔

اسرائیلی فوجی ترجمان نے مزید کہا کہ بعد ازاں اسرائیلی فوج کے لڑاکا طیاروں نے مشرقی لبنان میں حزب اللہ کے ٹھکانوں اور انفرااسٹرکچر کو نشانہ بنایا ہے۔

واضح رہے کہ حزب اللہ اور اسرائیل غزہ میں جنگ کے آغاز سے ایک دوسرے پر حملہ کررہے ہیں جو 2006 میں ہونے والی جنگ کے بعد سے ان کے درمیان سب سے سنگین لڑائی ہے۔