برطانوی ارکان پارلیمنٹ کا یاسین ملک کی قید سزائے موت میں بدلنے کی کوشش پر اظہار تشویش

ویب ڈیسک

16th Apr, 2024. 02:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانوی ارکان پارلیمنٹ کا یاسین ملک کی قید سزائے موت میں بدلنے کی کوشش پر اظہار تشویش

لندن: برطانوی ارکان پارلیمنٹ نے یاسین ملک کی عمر قید کو سزائے موت میں بدلنے کی بھارتی کوشش پر اظہار تشویش کردیا۔

برطانوی پارلیمنٹ کے کمیٹی روم نمبر بیس میں کشمیری حریت پسند رہنما یاسین ملک کے حق میں اجلاس ہوا جس میں 17 ممبران پارلیمنٹ نے شرکت کی۔

ارکان پارلیمنٹ نے یاسین ملک کی عمر قید کی سزا کو سزائے موت میں بدلنے کی بھارتی کوشش کی مذمت کی اور یاسین ملک سمیت تمام سیاسی قیدیوں کی رہائی کا مطالبہ کیا۔

دوسری جانب غیر قانونی طور پر بھارت کے زیر قبضہ جموں و کشمیر کی حریت قیادت نے مختلف جیلوں میں نظر بند کشمیریوں کی حالت زار پر تشویش کا اظہار کرتے ہوئے ایک بیان میں کہا ہے کہ سزا مکمل کرنے اور عدالتی احکامات کے باوجود انہیں رہا نہیں کیا جا رہا ہے۔

کشمیر میڈیا سروس کے مطابق کئی قیدی پچیس پچیس سال سے نظر بند ہیں جو بنیادی سہولیات کی عدم دستیابی کے باعث مختلف امراض کا شکار ہوچکے ہیں، ان میں محمد قاسم فکتو، محمد شفیع شریعتی، نذیر احمد اور محمد ایوب شامل ہیں۔