بیرسٹر گوہر کے بیان پر وفاقی وزیر قانون کا ردعمل

ویب ڈیسک

02nd Apr, 2024. 04:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیرسٹر گوہر کے بیان پر وفاقی وزیر قانون کا ردعمل

وفاقی وزیر قانون سینیٹر اعظم نذیر تارڑ کا پی ٹی آئی کے بیرسٹر گوہر کے بیان پر ردعمل سامنے آگیا۔

وفاقی وزیر قانون سینیٹر اعظم نذیر تارڑ نے پی ٹی آئی کے بیرسٹر گوہر کے بیان پر ردعمل دیتے ہوئے کہا کہ ججوں کے معاملے پر پی ٹی آئی اور اس کے بانی کے بیانات سپریم کورٹ کے از خود نوٹس کو سیاست کی نظر کرنے کی مذموم کوشش ہے۔

انہوں نے کہا کہ بیرسٹر گوہر خود وکیل ہیں، انہیں علم ہونا چاہیے کہ 184 (3) کے تحت بنچ کی تشکیل کی گئی ہے، فل کورٹ نے ہی اعلامیہ جاری کیا تھا جس میں تحقیقات کا کہا گیا تھا۔

ان کا کہنا تھا کہ چیف جسٹس اور سینئر ججز کی کمیٹی کی صواب دید ہے کہ وہ کس معاملے پر کون سا بینچ تشکیل دیں۔ پی ٹی آئی اور اس کے بانی کا کہا قانون نہیں، آئین پر عمل ہوگا۔

وفاقی وزیر قانون کا مزید کہنا تھا کہ اپنے دور میں ججوں کے خلاف ریفرنس بنانے والے مشورے نہ دیں تو بہتر ہوگا، عدلیہ کی آزادی سے متعلق اہم معاملے پر سیاست نہ کرنا ہی ملک اور عدلیہ کے لئے اچھا ہے۔