کراچی: وزیراعلیٰ ہاؤس میں عید ملن پارٹی کا اہتمام کیا گیا جس میں مختلف قونصل جنرلز نے شرکت کی۔

وزیراعلیٰ ہاؤس میں عید ملن پارٹی کا اہتمام کیا گیا جس میں وزیراعلیٰ سندھ سید مراد علی شاہ سے مختلف قونصل جنرلز نے ملاقات کی۔

ترجمان سندھ حکومت کے مطابق مختلف ممالک کے قونصل جنرلز نے وزیراعلیٰ کے ساتھ عید مبارکباد کا تبادلہ کیا جب کہ وزیراعلیٰ نے قونصل جنرلز کا عید ملنے کے لئے آنے پر شکریہ ادا کیا۔

عید ملن پارٹی میں وزیراعلیٰ اور قونصل جنرلز میں عید کے تہوار پر گفتگو ہوئی، قونصل جنرلز نے کراچی میں عید کے تہوار کو بہترین انداز میں منانے کو سراہا۔

سفارتکارکا کہنا تھا کہ یہاں ہر طرف عید کی خوشیاں ایک دوسرے کے ساتھ بانٹنا نظر آتا ہے جب کہ غیر مسلم ممالک کے سفارتکاروں نے عید کو محبتیں بانٹنے کا تہوار قرار دیا۔

اس موقع پر وزیراعلیٰ نے کہا کہ عید پر ہمیں دوست مسلم سفارتکاروں نے کھانے اور مٹھایاں بھیج کر خوشیوں میں شامل کیا۔

غیر مسلم سفارتکاروں نے وزیراعلیٰ سے مکالمہ کرتے ہوئے کہا کہ روزے خود پر ضبط، اللہ پاک کی خوشنودی اور غرباء کا احساس دلاتا ہے۔ وزیراعلیٰ سندھ نے مہمانوں کا توازن میٹھی سویاں، شیرخرمہ، مٹھائیاں اور چائے سے کیا۔

عید ملنے والے قونصل جنرلز میں سری لنکا، قطر، دبئی، انڈونیشیا، تھائی لینڈ، ایران ، فرانس، جرمنی، جاپان، ملائیشیا، روس، امریکہ، چائنہ ، کویت، بحرین، اومان اور افغانستان شامل ہیں۔