دہشت گردوں نے درابن، ضلع ڈیرہ اسماعیل خان میں کسٹم کے معصوم اہلکاروں پر حملہ کر کے 4 اہلکاروں کو شہید کردیا۔

پولیس کے مطابق دہشت گردوں کی فائرنگ سے 4کسٹم اہلکارشہید ہوئے، فائرنگ کے دوران بچی بھی جاں بحق ہوئی اورراہگیر زخمی ہوا۔

کسٹم انٹیلی جنس اہلکارڈی آئی خان کوئٹہ روڈپرروٹین کی ڈیوٹی پرتھے۔ دہشتگرد فائرنگ کرنےکےبعد جائے وقوعہ سے فرارہوگئے۔

دہشت گردوں کی یہ بے رحمانہ اور وحشیانہ کارر وائی ایک بار پھر ان دہشت گردوں کی غیرانسانی، غیراسلامی اورغیراخلاقی کارروائیوں کو ثابت کرتی ہے۔

دہشت گرد گروہ خواہ وہ ٹی ٹی پی TTP ہو یا داعش خراسانISKP خوارجی فتنے ہیں جو اپنے ساتھی مسلمانوں کو قتل کرنے میں کوئی پشیمانی محسوس نہیں کرتے۔ وہ درحقیقت فسادی فتنے ہیں جنہوں نے فساد پھیلایا۔ بے گناہوں کا قتل اس بات کی عکاسی کرتا ہے کہ یہ وحشی کتنے ظالم اورسفاک ہیں۔

اسلام امن اورسلامتی کا مذہب ہے لیکن دہشت گرد مذہبی تعلیمات کی غلط تشریح کرتے ہیں اور اپنی غلط تشریح کے مطابق اسے توڑ مروڑ کر پیش کرتے ہیں۔ دہشت گردی کے بار بار ہونے والے واقعات میں داعش خراسان آئی ایس کے پی ان معصوم لوگوں کو نشانہ بناتے ہیں۔

داعش خراسان ISKP اور ٹی ٹی پی TTP اوپر سے ایک دوسرے کے سخت مخالف لگتے ہیں اورایک دوسرے کو مرتد کہتے ہیں۔ لیکن حقیقت میں ایک ہی سکے کے دو رخ ہیں۔ دونوں خوارجی فتنے ہیں جنہوں نے اسلام کو کمزور، داغدار اور بدنام کیا ہے۔

معصوم لوگوں کو قتل کرنے کا کھلم کھلا اعتراف اور ڈھٹائی ان دہشت گرد تنظیموں کے سفاک چہرے کو بے نقاب کرتا ہے۔ اس طرح کی وحشیانہ کارروائیاں قوم اورسیکیورٹی فورسز کے اس خوارجی فتنے کو پاکستان سے مٹانے کے عزم کو مزید تقویت دیتی ہیں۔

شہدا کی ملک کے لیے قربانی کو ہمیشہ یاد رکھا جائے گا۔ پاکستان کسٹمزملک و قوم کی خدمت کے لئے پرعزم ہے۔