پاکستان کا مقبول ترین چینل ’بول‘ اپنے چاہنے والوں کو محظوظ کرنے کا کوئی موقع ہاتھ سے جانے نہیں دیتا اور اس بار بول انٹرٹینمنٹ عوام کے پسندیدہ میزبان واداکار ساحر لودھی کے ساتھ ایک منفرد پروگرام نشر کرنے جارہا ہے۔
بول انٹرٹینمنٹ پاکستان کے نامور اداکار ساحر لودھی کی میزبانی ’’دی مارننگ شو ود ساحر لودھی‘‘ کا آغاز کرنے جارہا ہے جو 29 اپریل سے صبح 9 بجے نشر ہوگا۔
پاکستان شوبز انڈسٹری کے لیے ساحر لودھی کوئی نیا نام نہیں اور خاص طور پر جب پروگرام کی میزبانی کی بات آتی ہے تو ساحر لودھی کا کوئی ثانی نہیں، وہ اپنے اس ٹیلنٹ سے درجنوں پروگرامز کو کامیابی سے ہمکنار کرواچکے ہیں۔
خیال رہے کہ ساحر لودھی مارننگ شوز، رمضان ٹرانسمیشن اور گیم شوز کی میزبانی کے لیے جانے جاتے ہیں تاہم ان کا مخصوص انداز بیان ان کی وجہ شہرت ہے۔
میزبانی کے علاوہ ساحر لودھی فلموں میں بھی اپنی قسمت آزماچکے ہیں اور انہوں نے اپنے فلمی کیریئر کا آغاز ’راست‘ سے کیا تھا۔
ساحر لودھی پاکستان کی کامیاب ترین مارننگ شو ہوسٹ شائستہ لودھی کے بھائی ہیں جو ٹی وی ہوسٹ ہونے کے ساتھ ساتھ ڈاکٹر بھی ہیں۔
اس بار ساحر لودھی بول انٹرٹینمنٹ پر ’’دی مارننگ شو ود ساحر لودھی‘‘ کرنے جارہے ہیں جو 29 اپریل کو صبح 9 بجے نشر ہوگا۔
اس سے قبل ساحر لودھی عید الفطر کے موقع پر بول انٹرٹینمنٹ پر عید کی خصوصی ٹرانسمیشن ’’عید کی خوشیوں میں بول‘‘ کی میزبانی کے فرائض بھی انجام دے چکے ہیں اور ان پروگرامز کو عوام میں بے حد پذیرائی حاصل ہوئی تھی۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News