اسپیکر پنجاب اسمبلی ملک احمد خان کا کہنا ہے کہ مریم نواز کا پولیس یونیفارم پہنا ایک علامتی عمل ہے اور یہ پہلی دفعہ نہیں ہوا۔
پنجاب اسمبلی کےباہر میڈیا سےبات کرتے ہوئے اسپیکر پنجاب اسمبلی ملک محمد احمد خان نے کہا کہ مریم نواز کا پولیس یونیفارم پہنا ایک علامتی عمل ہے اور یہ پہلی دفعہ نہیں ہوا
ایک سوال کے جواب میں انہوں نے کہا کہ گندم کی قیمتوں کا معاملہ پورے ایوان نے اٹھایا اور حکومت کو اس معاملے پر آگاہ کر دیا ہے، حکومت نے گندم امپورٹ کی امپورٹ شدہ گندم برآمد کر کے مقامی مارکیٹ کو عدم استحکام کا شکار کیا گیا۔
اسپیکر پنجاب اسمبلی کا کہنا تھا کہ حکومت کے 25 لاکھ ٹن گندم کا زخیرہ موجود ہے اور مزید گندم رکھنے کی گنجائش نہیں ہے، اگر حکومت مزید گندم خریدے گی تو یہ ایک چیلنج ہو گا برآمد گندم تا حال موجود ہے۔
انہوں نے مزید کہا کہ درآمد شدہ گندم بھی موجود ہے اور مقامی فصل بھی آچکی ہے اس کا بوجھ کسان پر کسے ڈالیں، حکومت کو کسان کو بچانے کے لیے پولیسی میں ہر قسم کا اقدام اٹھانا چاہیے۔
ایک سوال کے جواب میں ملک احمد خان نے کہا کہ مجھے یاد ہے علی امین جب بھاگے تھے ان کی گاڑی سے شہد کی بوتلوں کی میمز بنی تھیں مجھے نہیں پتہ وہ تھیں یا نہیں، ایک بندہ جو ایک دفعہ یہ کام کرچکا اس کا دوسری بار یہ کام کرنے میں کوئی شک موجود نہیں ہونا چاہیے۔
انہوں نے کہا کہ علی امین یہ کام کرے گا کچھ لوگوں کا ووجود سیاست میں عدم استحکام کے لیے ہوتا ہے، 2014 سے لے کر اب تک ایک ہی بندے سے عدم استحکام جڑا ہوا ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News