حکومت پاکستان نے عالمی مالیاتی ادارے کی ایک اور شرط پوری کر دی ہے۔

تفصیلات کے مطابق عالمی مالیاتی ادارے آئی ایم ایف سے قرض کے حصول کے لیے حکومت پاکستان نے ایک اور شرط کو پایہ تکمیل تک پہنچا دیا ہے۔

آئی ایم ایف کی شرائط کے حوالے سے وزیرقانون کی سربراہی میں قائم ٹاسک فورس نے رپورٹ تیارکی ہے جس کے تحت اینٹی کرپشن کےادارہ جاتی فریم ورک کی بہتری کیلئے 13 سفارشات شامل کی گئی ہیں۔

نیب آرڈیننس، ایف آئی اے اور الیکشن ایکٹ میں ترامیم کی سفارش کے علاوہ ٹاسک فورس نے سول سرونٹس ایکٹ 1973 میں ترامیم کی سفارش بھی کردی ہے۔

سرکاری امورکی نگرانی کیلئے قوانین پرعملدرآمد کے علاوہ شریک حیات کے اثاثوں کی تفصیل عام کرنے کیلئے رولز کی سفارش بھی کی گئی اور ایف بی آر کو ڈرافٹ رولز جاری کرنے کا ٹاسک دینے کی سفارش کی گئی۔

سول سرونٹس رولز 1973 میں ترمیم کی سفارش، اثاثے عام کرنے کیلئے الیکشن ایکٹ میں ترمیم اور ایف آئی اے، نیب، اینٹی کرپشن کو قانونی حدود سے متعلق تربیت دینے کی تجویز بھی دی گئی ہے۔

ٹاسک فورس کے مطابق ٹیکنالوجی، صلاحیتوں میں اضافے اور ٹریننگ کی سفارش کے علاوہ عوام کو معلومات تک رسائی سے متعلق آگاہی مہم کی بھی سفارش کی گئی ہے۔

گورننس، آپریشنزرولز 2023  پر سختی سے عملدرآمد کے علاوہ خصوصی عدالتوں میں قانونی ماہرین کی عدالتی خدمات کیلئے تعیناتی کی سفارش بھی کی گئی ہے۔

ٹاسک فورس کے مطابق خصوصی عدالتوں میں قانونی ماہرین کی عدالتی خدمات کیلئے تعیناتی کی تجویز کے علاوہ انسداد منی لانڈرنگ کیلئے اینٹی کرپشن اسٹیبلشمنٹ کو مضبوط بنانے کی تجویز بھی دی گئی ہے۔

انسداد منی لانڈرنگ کیلئے اینٹی کرپشن اسٹیبلشمنٹ کو مضبوط بنانے کی تجویز کے علاوہ انٹیلی جنس کے تبادلے کیلئے مرکزی مربوط لائحہ عمل بنانے پر بھی غور کیا جائے گا۔