متحدہ عرب امارات، شدید بارشوں نے مختلف ریاستوں میں تباہی مچا دی

ویب ڈیسک

16th Apr, 2024. 11:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

متحدہ عرب امارات، شدید بارشوں نے مختلف ریاستوں میں تباہی مچا دی

متحدہ عرب امارات کی ریاست دبئی میں ہونے والی شدید بارش نے تباہی مچا دی ہے۔

تفصیلات کے مطابق گرج چمک کے ساتھ شدید بارشوں اور متعدد علاقوں میں کلاؤڈ برسٹ نے دبئی کو پانی کی جھیل میں تبدیل کر دیا۔

متحدہ عرب امارات کی متعدد ریاستوں میں سڑکیں تالاب کا منظر پیش کر رہی ہیں، محکمہ موسمیات نے سیلاب کا انتباہ جاری کر دیا ہے۔

عالمی خبر رساں ادارے کی خبر کے مطابق دبئی میں ہونے والی شدید بارش کے باعث پانی گھروں میں داخل ہو چکا ہے، جبکہ کلاؤڈ برسٹ ہونے سے متعدد علاقوں میں شاپنگ مالز اور میٹرو اسٹیشن میں بھی پانی بھر گیا ہے۔

سڑکوں پر پانی جمع ہونے سے ٹریفک کی روانی بھی متاثر ہوئی ہے جبکہ پانی کی نکاسی کے لیے ہنگامی بنیادوں پر اقدامات کئے جا رہے ہیں۔

محکمہ موسمیات کے مطابق شدید بارشوں سے شارجہ، فجیرہ اور راس الخیمہ بھی متاثر ہوئے ہیں۔

محکمہ موسمیات کا مزید کہنا ہے کہ شدید بارشوں کا یہ سلسلہ جمعرات تک جاری رہے گا، اور مختلف علاقوں میں تیز برسات ہو گی۔

دبئی کی انتظامیہ نے شہریوں کو خبردار کیا ہے کہ وہ اپنے گھروں پر رہیں