وزیراعظم شہبازشریف نے ایرانی سپریم لیڈرآیت اللہ خامنہ ای سے ابراہیم رئیسی اور ان کے رفقا کی شہادت پر اظہارِ تعزیت کیا۔

تفصیلات کے مطابق ایران میں وزیراعظم شہبازشریف نے ایرانی سپریم لیڈرآیت اللہ خامنہ ای سے ملاقات کی۔ ملاقات کے دوران وزیراعظم  نے ابراہیم رئیسی اوران کے رفقا کی شہادت پراظہارتعزیت کیا۔

وزیراعظم شہبازشریف نے ابراہیم رئیسی کی خدمات کوخراج عقیدت پیش کیا۔ نائب وزیراعظم اسحاق ڈاربھی وزیراعظم کے ہمراہ ہیں۔

ایران کے ایک روزہ دورے میں وزیراطلاعات عطاتارڑاوروزیرداخلہ محسن نقوی اورمعاون خصوصی طارق فاطمی بھی وزیراعظم کے ہمراہ ہیں۔

وزیراعظم شہبازشریف نے کہا کہ امت مسلمہ کیلئےابراہیم رئیسی کی خدمات یاد رکھی جائیں گی، مشکل گھڑی میں پاکستان کی حکومت اورعوام ایران کے ساتھ ہیں۔

ملاقات کے دوران ایرانی سپریم لیڈرآیت اللہ خامنہ ای نے کہا کہ پاکستان کےساتھ تعلقات کوزیادہ اہمیت دیتےہیں، تعلقات کیلئےابراہیم رئیسی کے وژن کو آگے بڑھائیں گے۔

وزیراعظم نے ایرانی سپریم لیڈرکوپاکستان کا دورہ کرنے کی بھی دعوت دی۔

اس سے قبل وزیراعظم شہباز شریف نے ایران کے مرحوم صدر رئیسی اور ان کے ساتھیوں کے حوالے سے منعقدہ یادگاری تقریب میں شرکت کی۔

وزیر اعظم شہباز شریف نے ایران کے مرحوم صدر رئیسی اور ان کےساتھیوں کے حوالے سے منعقدہ یادگاری تقریب میں شرکت کی جب کہ تقریب کے دوران وزیراعظم اس ہال میں بھی تشریف لے گئے جہاں مرحوم ایرانی صدر کا جسد خاکی رکھا گیا تھا۔

وزیر اعظم محمد شہباز شریف نے ایران کے قائم مقام صدر عزت مآب ڈاکٹر محمد مخبر سے پاکستان کی حکومت اور عوام کی جانب سے تعزیت کا اظہار کیا۔