شدید گرمی میں بجلی کی طلب بڑھتے ہی شارٹ فال بھی بڑھ گیا

ملک سعید اعوان

28th May, 2024. 02:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شدید گرمی میں بجلی کی طلب بڑھتے ہی شارٹ فال بھی بڑھ گیا

اسلام آباد: ملک بھر میں جاری شدید گرمی اور ہیٹ ویو میں بجلی کی طلب بڑھتے ہی شارٹ فال بھی بڑھ گیا۔

پاور ڈویژن ذرائع کے مطابق ملک میں آج بجلی کا شارٹ فال 6 ہزار319 میگاواٹ تک پہنچ گیا ہے جب کہ ملک میں بجلی کی طلب آج 26 ہزار میگاواٹ ہے۔

پاور ڈویژن ذرائع کا کہنا ہے کہ ملک میں بجلی کی پیداوار 19 ہزار 681 میگاواٹ ہے، پن بجلی ذرائع سے 5 ہزار 600 میگاواٹ بجلی پیدا ہورہی ہے جب کہ سرکاری تھرمل پاور پلانٹس 890 میگاواٹ بجلی پیدا کررہے ہیں۔

ذرائع نے بتایا کہ نجی شعبے کے بجلی گھروں کی پیداوار 8 ہزار 980 میگاواٹ ہے، ونڈ پاور پلانٹس سے 780 میگاواٹ بجلی پیدا ہورہی ہے۔

علاوہ ازیں سولر پاور پلانٹس 198، بگاس سے 133 میگاواٹ بجلی پیدا ہورہی ہے جب کہ نیوکلیئر پاور پلانٹس سے 3 ہزار 1 سو میگاواٹ بجلی پیدا ہورہی ہے۔

ذرائع پاور ڈویژن کا کہنا تھا کہ شہری علاقوں میں 6 گھنٹے تک بجلی کی لوڈ شیڈنگ جاری ہے، دیہی علاقوں میں لوڈشیڈنگ کا دورانیہ 8 سے 10 گھنٹے تک ہے۔

ذرائع پاور ڈویژن نے مزید بتایا کہ لائن لاسز والے علاقوں میں 12 سے 14 گھنٹے کی لوڈ شیڈنگ کی جارہی ہے۔