کراچی میں ٹریفک کے بڑھتے ہوئے مسائل، گورنر سندھ کا نیشنل ہائی وے اتھارٹی کو خط

ویب ڈیسک

02nd May, 2024. 07:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں ٹریفک کے بڑھتے ہوئے مسائل، گورنر سندھ کا نیشنل ہائی وے اتھارٹی کو خط

کراچی: شہر قائد میں ٹریفک کے بڑھتے ہوئے مسائل کے پیش نظر گورنر سندھ نے نیشنل ہائی وے اتھارٹی کو خط لکھ دیا۔

گورنر سندھ کامران خان ٹیسوری نے چیئرمین نیشنل ہائی وے اتھارٹی کو خط لکھا جس میں انہوں نے شہر قائد میں ٹریفک کے بڑھتے ہوئے مسائل کے پیش نظر ہیوی ٹریفک کو متبادل راستوں سے گزارنے کی تجویز دی۔

گورنر سندھ نے خط میں لکھا کہ ہیوی ٹریفک بشمول ٹرکس اور ٹرالرز کو لیاری ایکسپریس وے پر چلایا جائے، اس سے شہریوں کو ہیوی ٹریفک سے نجات ملے گی اور ان کے وقت اور ایندھن کی بھی بچت ہوگی۔

کامران ٹیسوری کہتے ہیں کہ ایسا کرنے سے ٹریفک جام کا مسئلہ بھی حل ہوگا جب کہ لیاری ایکسپریس وے پر ہیوی ٹریفک چلانے کی تجویز پر سنجیدگی سے غور کیا جائے۔