پاکستان تحریک انصاف کے ترجمان رؤف حسن پر نامعلوم افراد نے تیز دھار آلے سے حملہ کردیا۔ 

تفصیلات کے مطابق اسلام آباد میں پاکستان تحریکِ انصاف کے مرکزی سیکریٹری اطلاعات رؤف حسن پر نامعلوم افراد نے تیز دھار آلے سے حملہ کیا ہے۔ حملے سے رؤف حسن شدید زخمی ہوگئے۔

رؤف حسن پر نجی ٹی وی چینل کے باہرنامعلوم افراد نے حملہ کیا۔ رؤف حسن انٹرویو دینے کے لیے گئے تھے۔ انھیں طبی امداد کے لیے پی اے ایف اسپتال منتقل کیا گیا جہاں انھیں طبی امداد دی گئی۔ طبی امداد کے بعد رؤف حسن اپنے اہل خانہ کے ہمراہ گھر روانہ ہوگئے۔

حملے میں رہنما پی ٹی آئی رؤف حسن کے چہرے پر گہرا زخم آیا ہے۔ بلیڈ جیسے کسی تیز دھار آلے سے میرے منہ پر کٹ لگا ہے۔

بول نیوز نے واقعے کی سی سی ٹی وی فوٹیج حاصل کر لیا جس میں ان پر حملہ ہوتا ہوا دیکھا جا سکتا ہے۔ حملہ آور خواجہ سراؤں کے روپ میں تھے۔ خواجہ سراؤں نے انھیں روکا اوران پر حملہ کیا۔ حملے کے بعد لوگوں نے انھیں ریسکیو کیا۔

پولیس کا کہنا ہے کہ حملہ آورخواجہ سراؤں کے روپ میں تھے۔ واقعے کی مکمل تحقیقات کی جارہی ہیں کہ حملہ کون تھے اور انھوں نے کیوں حملہ کیا۔ حملہ آوروں کی تلاش جاری ہے۔

اسلام آباد پولیس کی جانب سے حملہ آوروں کی گرفتاری کےلیےٹیمیں تشکیل دی گئیں، 5 ٹیموں نےمختلف پہلوؤں سےتحقیقات کاآغاز کردیا، سی سی ٹی وی اورسیف سٹی کیمروں کی مددحاصل کی جارہی ہے، حملہ آوروں کی گرفتاری کےلیےمختلف جگہوں پرناکہ بندی کی گئی۔

ادھرمرکزی سیکریٹری اطلاعات پی ٹی آئی رؤف حسن نے بتایا کہ پروگرام کے بعد واپس جا رہا تھا کہ چار لوگوں نے مجھ پر حملہ کیا۔ میرے منہ بلیڈ جیسے تیز دھارآلے سے کٹ لگا ہے۔

رؤف حسن پرحملے کے واقعے کے بعد اپوزیشن نے سینیٹ اجلاس سے واک آؤٹ کردیا۔ شبلی فراز کا کہنا ہے کہ رؤف حسن پرحملہ کرکے انہیں زخمی کیا گیا، رؤف حسن پرحملہ سنجیدہ معاملہ ہے۔

سینیٹ اجلاس کے دوران اظہار خیال کرتے ہوئے فیصل واڈا نے رؤف حسن پر حملہ کی مذمت کی ہے۔

بیرسٹر گوہر نے مرکزی سیکرٹری اطلاعات رؤف حسن کی عیادت کی۔ اس موقع پر انھوں نے ویڈیو بیان میں کہا کہ رؤف حسن کو دائیں گال پرگہرازخم آیاہے، آدھےانچ سے رؤف حسن کی شہ رگ بچ گئی ہے، اللہ نے رؤف حسن کودوسری زندگی دی ہے۔۔

بیرسٹر گوہرنے کہا کہ رؤف حسن ملک کی سب سےبڑی جماعت کےترجمان ہیں، رؤف حسن ہمارے سابق چیف الیکشن کمشنرہیں،
رؤف حسن کی کبھی کسی کےساتھ کوئی دشمنی نہیں رہی، مطالبہ کرتےہیں رؤف حسن پرحملےکی تحقیقات کی جائے۔