اسحاق ڈار کا کہنا ہے کہ نائب وزیراعظم بنانا وزیراعظم کا صوابدیدی اختیارہے، وزیراعظم کابینہ کے کسی بھی وزیرکواختیارات دے سکتے ہیں۔

نائب وزیراعظم اور وزیر خارجہ اسحاق ڈار نے سینئراینکر پرسن ڈاکٹر دانش کے ساتھ بول نیوزکے پروگرام تبدیلی میں گفتگو کرتے ہوئے کہا کہ نائب وزیراعظم بنانا وزیراعظم کا صوابدیدی اختیارہے، وزیراعظم کابینہ کے کسی بھی وزیرکواختیارات دے سکتے ہیں۔

وزیرخارجہ اسحاق ڈار نے کہا کہ گیمبیا میں مجھے کئی ذمہ داریاں نبھانی تھیں، اب پاکستان تنہائی کاشکارنہیں، گیمبیا میں فلسطین کے ساتھ کشمیرکے لئے آوازاٹھائی، اوآئی سی میں اسلاموفوبیا کا مسئلہ اٹھایا، اوآئی سی میں مسئلہ کشمیرپربھرپورمؤقف پیش کیا۔

نائب وزیراعظم نے کہا کہ پاکستان کوسری لنکا بنانے کی کوشش کی گئی، 16 ماہ کی حکومت میں ریاست کوڈیفالٹ سے بچایا، روایتی طریقوں کے بجائے اکنامک ڈپلومیسی اپنانی ہوگی، وزارت خارجہ معیشت کوبہتربنانے کے لیے سرگرم ہے، افغانستان کے ذریعے وسط ایشیا سے ریل رابطہ ہوسکتا ہے۔

اسحاق ڈار نے گفتگو کرتے ہوئے کہا کہ وسط ایشیائی ریاستوں سے روابط مضبوط کررہے ہیں، بھارت جب تک رویہ صحیح نہیں کرتا تجارت ممکن نہیں، بھارت کے رویے پراحتجاجی خط لکھ چکےہیں، پاکستان سلامتی پرکوئی سمجھوتہ نہیں کرےگا، ہم نےبڑی حدتک دہشتگردی پرقابوپایا۔

وزیرخارجہ اسحاق ڈار نے کہا کہ افغانستان کو کہا ہے ٹی ٹی پی کو اپنے ملک سے باہرکرے، پاک ایران گیس پائپ لائن پر اپنے مفاد کو دیکھیں گے، آپسی چپقلش سے پاکستان آگے نہیں جارہا ہے۔