مارگلہ کی پہاڑیوں پر لگی آگ کو بجھانے کے لیے تمام وسائل بروئے کار لانے کی ہدایت

فہد چوہدری

27th May, 2024. 08:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مارگلہ کی پہاڑیوں پر لگی آگ کو بجھانے کے لیے تمام وسائل بروئے کار لانے کی ہدایت

اسلام آباد: وزیر اعظم شہباز شریف نے مارگلہ کی پہاڑیوں پر لگی آگ کو بجھانے کے لیے تمام وسائل بروئے کارلانے کی ہدایت کردی۔

وزیر اعظم شہباز شریف نے مارگلہ کی پہاڑیوں پر لگی آگ کو بجھانے کے لیے تمام وسائل بروئے کارلانے کی ہدایت کردی جب کہ وزیراعظم شہباز شریف کی ہدایت پر ہیلی کاپٹرز کو آپریشن میں شامل کیا گیا ہے۔

وزیر اعظم شہباز شریف نے ہدایت کی تھی کہ آگ پر جلد سے جلد قابو پایا جائے اور یہ یقینی بنایا جائے کہ آگ سے کسی انسانی جان کو نقصان نہ پہنچے۔

وزیر اعظم نے یہ بھی ہدایت کی تھی کہ جس قدر ہوسکے جنگلی حیات کا تحفظ یقینی بنایا جائے۔

خیال رہے کہ مارگلہ کی پہاڑیوں پر آگ دو جگہوں پر لگی ہے، مارگلہ نیشنل پارک کےعلاقے شادرہ میں بھی آگ لگی ہے جب کہ شادرہ کے پہاڑوں سے اٹھتا دھواں کئی کلومیٹر دور سے بھی دیکھا جاسکتا ہے۔

صبح سے چیڑاں دی گلی کےعلاقے میں بھی آگ نے پہاڑ کو لپیٹ میں لے رکھا ہے، مارگلہ کے پہاڑوں پر آج آگ لگنے کا یہ چوتھا واقعہ ہے۔