صدرمملکت نے کہا ہے کہ اسمگلنگ ملکی معیشت کیلئے نقصان دہ ہے، معاشی استحکام کیلئے اسمگلنگ کا تدارک ضروری ہے۔ دہشتگردی اورمنشیات کی اسمگلنگ کا آپس میں گہراتعلق ہے۔

کوئٹہ میں صدرآصف زرداری کی زیرصدارت امن وامان سے متعلق اعلی سطح کااجلاس منعقد ہوا۔ صدرمملکت کوصوبے میں جاری ترقیاتی منصوبوں سے متعلق بریفنگ دی گئی۔

صدرآصف زرداری نے کہا کہ بلوچستان کے مستقبل کا لائحہ عمل طے کرنے کیلئے سیاسی قوتوں سے بات کرینگے، کچھ طاقتیں بلوچستان اورملک میں استحکام نہیں چاہتیں، دہشتگردی اورمنشیات کی اسمگلنگ کا آپس میں گہراتعلق ہے۔

صدرمملکت نے کہا کہ اسمگلنگ ملکی معیشت کیلئے نقصان دہ ہے، معاشی استحکام کیلئے اسمگلنگ کا تدارک ضروری ہے، سرحدی علاقوں کی عوام کے روزگارکیلئے مؤثرحکمت عملی اپنائی جائے، قانون نافذ کرنے والے ادارے دہشتگردی کے خلاف کارروائیاں جاری رکھیں۔

صدرآصف زرداری کی زیر صدارت اجلاس میں دہشتگردی کے خلاف متفقہ قومی بیانیہ اپنانے کیلئے مشاورت کا فیصلہ کیا گیا۔

صدرمملکت نے کہا کہ بلوچستان کی پسماندگی،عوام کی معاشی کمزوریوں کامکمل ادراک ہے، مختلف شعبوں میں سندھ حکومت کے نظام کونقل کیا جا سکتا ہے، صوبے میں صحت کے مسائل زیادہ، سہولیات دیگرصوبوں کے مقابلے میں کم ہیں۔

صدرآصف زرداری نے کہا کہ بلوچستان مختلف شعبوں میں سندھ کی خدمات سے استفادہ کرسکتاہے، دونوں صوبے مختلف شعبوں میں تعاون کالائحہ عمل طے کریں، وفاق کی جانب سےمختص فنڈزکا بروقت اجرا ناگزیرہے، کچھی کینال کی آؤٹ سورسنگ کے امکانات پرغورکیا جائے۔

صدرمملکت نے کہا کہ منصوبوں کی تکمیل کیلئے پبلک پرائیویٹ پارٹنرشپ پربھی غورکیاجائے، بلوچستان کی زمینوں کوقابل کاشت بنانے کی ضرورت ہے، بلوچستان میں سیلابی ڈیمزکی تعمیرکی ضرورت ہے،

اس موقع پر وزیراعلٰی بلوچستان سرفراز بگٹی نے کہا کہ گورننس، ماحولیاتی تبدیلی اورامن وامان کے چیلنجزدرپیش ہیں، بنیادی مواصلاتی ڈھانچے کے فقدان سے سہولیات کی فراہمی چیلنج ہے۔ پی ایس ڈی پی، منصوبوں کے لئے مختص فنڈزکے اجرا کی ضرورت ہے۔

سرفرازبگٹی نے کہا کہ وفاق سے فنڈزکے برقت اجرا سے منصوبوں کی بروقت تکمیل ممکن ہے، بلوچستان میں قیام امن کیلئے سنجیدہ ہیں، مستقبل کےلائحہ عمل کیلئے مذاکرات سے انکارممکن نہیں، مذاکرات کا ایجنڈا قومی سطح پراتفاق رائے سے طے ہونا چاہیے۔

اجلاس میں وفاقی وزیرداخلہ محسن نقوی، گورنر بلوچستان شیخ جعفر خان مندوخیل، وزیراعلیٰ بلوچستان میرسرفراز بگٹی، صوبائی وزرا اوراعلٰی وفاقی اور صوبائی حکام کی شرکت