پیپلزپارٹی کا ذوالفقار علی بھٹو کو قومی ہیرو قرار دینے کا مطالبہ

ویب ڈیسک

12th May, 2024. 08:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیپلزپارٹی کا ذوالفقار علی بھٹو کو قومی ہیرو قرار دینے کا مطالبہ

پاکستان پیپلزپارٹی نے ذوالفقارعلی بھٹو کو قومی ہیرو قرار دینے کا مطالبہ کردیا۔

لاہورمیں پاکستان پیپلزپارٹی کے زیر اہتمام بھٹو ریفرنس میں قرارداد پیش کی گئی جس میں پیپلزپارٹی نے مطالبہ کیا کہ ذوالفقاربھٹوکی تصویروالے کرنسی نوٹ جاری کیا جائے۔ لاہورمیں بھٹو ریفرنس سپریم کورٹ کی طرف سے ریفرنس فیصلےکا خیرمقدم کرتے ہیں۔

قرارداد میں کہا گیا کہ ایوان، صدرکے ریفرنس پرسپریم کورٹ کے فیصلےکا خیرمقدم کرتا ہے، سپریم کورٹ کوذوالفقاربھٹوکوانصاف دینے میں 44 سال لگے۔

’’ سپریم کورٹ نے تسلیم کیا ذوالفقار بھٹو سے ناانصافی ہوئی ‘‘

قراردادکے متن کے مطابق شہید ذوالفقار بھٹو کو قومی ہیرو قراردیاجائے، قائد عوام کا خطاب ریاست بھی دے، عوام پہلے ہی دے چکے ہیں، پاکستان کا اعلیٰ سول ایوارڈ ذوالفقارعلی بھٹو کو دیا جائے۔

قرارداد میں کہا گیا کہ شہید ذوالفقارعلی بھٹو کے شایان شان یادگارتعمیرکی جائے، ذوالفقارعلی بھٹوکے مزارکو قومی شہید کے مزار کا درجہ دیا جائے۔

پیپلزپارٹی نے ذوالفقاربھٹوکی تصویرکرنسی نوٹوں پرشائع کرنے کا بھی مطالبہ کیا۔