ٹی ٹوئنٹی ورلڈکپ: قومی ٹیم کے 15 رکنی اسکواڈ کو حتمی شکل دے دی گئی

ویب ڈیسک

17th May, 2024. 03:49 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی ٹوئنٹی ورلڈکپ: قومی ٹیم کے 15 رکنی اسکواڈ کو حتمی شکل دے دی گئی

ٹی ٹوئنٹی ورلڈکپ 2024 کے لیے قومی ٹیم کے 15 رکنی اسکواڈ کو حتمی شکل دے دی گئی۔

تفصیلات کے مطابق امریکہ اور ویسٹ انڈیز میں ہونے والے ٹی ٹوئنٹی ورلڈ کپ کے لیے پاکستان کرکٹ ٹیم کے 15 رکنی اسکواڈ کے حوالے سے مشاورت مکمل کرلی گئی۔

ذرائع کا کہنا ہے کہ دورہ آئرلینڈ وانگلینڈ کے لیے جانے والے 18 رکنی اسکواڈ میں سے ہی 15 کھلاڑی منتخب کیے گئے ہیں جبکہ باقی تین کھلاڑیوں کو ورلڈ کپ میں بطور ٹریول ریزرو ساتھ رکھنے کا فیصلہ کیا گیا ہے۔

ذرائع کا کہنا ہے کہ حسن علی، سلمان علی آغا اور عرفان نیازی ٹریول ریزرو کے طور پر ٹیم کے ساتھ ہوں گے۔

قومی ٹیم کا حتمی اعلان انگلینڈ کے خلاف ہونے والے پہلے ٹی ٹوئنٹی انٹرنیشنل میچ کے بعد 23 مئی کو کیا جائے گا۔

واضح رہے کہ ورلڈکپ میں شرکت کرنے والی 20 ٹیموں میں سے پاکستان وہ واحد ٹیم ہے جس نے ابھی تک ورلڈکپ اسکواڈ کا اعلان نہیں کیا ہے۔

ممکنہ قومی اسکواڈ:

بابراعظم(کپتان)، محمد رضوان، صائم ایوب، فخرزمان، عثمان خان، اعظم خان، افتخار احمد، شاداب خان، عماد وسیم، ابرار احمد، عباس آفریدی، محمد عامر، نسیم شاہ ، شاہین شاہ آفریدی ،حارث رؤف