خیبر پختونخوا؛ دہشت گردوں کے خلاف 3 بڑی کارروائیاں، 23 دہشت گرد جہنم واصل

ویب ڈیسک

27th May, 2024. 04:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبر پختونخوا؛ دہشت گردوں کے خلاف 3 بڑی کارروائیاں، 23 دہشت گرد جہنم واصل

راولپنڈی: خیبر پختونخوا میں دہشت گردوں کے خلاف 3 بڑی کارروائیاں کرتے ہوئے 23 دہشت گردوں کو جہنم واصل کردیا گیا۔

پاک فوج کے شعبہ تعلقات عامہ (آئی ایس پی آر) کے مطابق خیبرپختونخوا میں 3 آپریشنز کے دوران 23 دہشت گرد ہلاک کیے۔

آئی ایس پی آر کا کہنا ہے کہ پشاور میں انٹیلی جنس بیسڈ آپریشن میں 6 دہشت گرد مارے گئے جب کہ آپریشن کے دوران کیپٹن حسین جہانگیر اور حولدارشفیق اللہ شہید ہوئے۔

ترجمان پاک فوج نے کہا کہ ٹانک میں آپریشن کے دوران 10 دہشت گرد کو مارا گیا، ضلع خیبر کےعلاقے باغ میں سیکیورٹی فورسز نے آپریشن کے دوران 7 دہشت گرد مار گرائے جب کہ 2 زخمی ہوئے۔

آئی ایس پی آر نے بتایا کہ فائرنگ کے تبادلے میں 5 سیکیورٹی اہلکار شہید ہوئے، شہداء میں نائیک محمد اشفاق بٹ، لانس نائیک سید دانش افکار، سپاہی تیمورملک، سپاہی نادر اور سپاہی محمد یاسین شامل ہیں۔

ترجمان پاک فوج کا مزید کہنا تھا کہ آپریشن کے دوران بڑی مقدار میں ہتھیار، گولیاں اور دھماکہ خیز مواد برآمد ہوا، ہلاک دہشت گرد سیکیورٹی فورسز پرحملوں اور بے گناہ شہریوں کے قتل میں ملوث تھے۔