ایوان صدر کا کرغزستان میں پُرتشدد صورتحال پر تشویش کا اظہار

ویب ڈیسک

19th May, 2024. 07:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایوان صدر کا کرغزستان میں پُرتشدد صورتحال پر تشویش کا اظہار

ایوان صدر کی جانب سے آج کرغزستان میں پاکستانی طلباء کے خلاف پُرتشدد صورتحال پر تشویش کا اظہار کیا گیا ہے۔

صدر مملکت آصف علی زرداری کی ہدایت پر ایوانِ صدر نے کرغزستان میں پاکستانی سفیر سے رابطہ کیا اور پرتشدد صورتحال پر تشویش کا اظہار کیا۔

ایوانِ صدر نے پاکستانی سفیر کو بشکیک میں پاکستانی طلباء کی حفاظت کیلئے اقدامات لینے کی ضرورت پر زور دیا۔

ایوان صدر نے پاکستانی سفیر سے کہا کہ کرغزستان میں پاکستانی طلباء کو تعلیم کیلئے سازگار ماحول فراہم کرنے کی ضرورت ہے اور طلباء کی حفاظت اور تعلیم جاری رکھنے کیلئے اقدامات کیے جائیں۔

پاکستانی سفیر نے ایوان صدر کو بتایا کہ کرغزستان میں پاکستانی طلباء کی سیکیورٹی کی صورتحال بہتر ہو رہی ہے ، پاکستانی طلباء کی سیکیورٹی کیلئے اقدامات لے رہے ہیں اور كرغز حکومت کے ساتھ رابطے میں ہیں۔

پاکستانی سفیر نے ایوان صدر کو مزید بتایا کہ کرغز حکومت اور جامعات پاکستان واپس جانے والے طلباء کیلئے آن لائن کلاسز کا اہتمام کرے گی۔