پیوٹن نے مسلسل پانچویں بار روسی صدر کی حیثیت سے حلف اٹھا لیا

ویب ڈیسک

08th May, 2024. 11:39 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیوٹن نے مسلسل پانچویں بار روسی صدر کی حیثیت سے حلف اٹھا لیا

روس کا امریکہ کو روسی یوکرینی معدنیات تک رسائی دینےکی پیشکش

روسی صدر ویلادیمیرپیوٹن نے مسلسل پانچویں بار 6 سالہ مدت کے لیے روسی صدر کی حیثیت سے حلف اٹھا لیا۔

بین الاقوامی خبررساں ادارے کے مطابق کریملن میں منعقدہ تقریب میں ویلادیمیر پیوٹن نے اگلے 6 سال کے لیے روس کے صدر کی حیثیت سے حلف اٹھایا۔

امریکہ اور اس کے اتحادیوں کی جانب سے ولادیمیر پیوٹن کی تقریب حلف برداری کا بائیکاٹ کیا گیا۔

پیوٹن نے صدارت کی نئی مدت کی افتتاحی تقریر میں کہا کہ یوکرین میں دوسال سے زائد عرصے سے جنگ لڑنے والے فوجیوں کے سامنے سرجھکانا چاہتا ہوں اور مارچ میں ان کا انتخاب اس بات کا ثبوت ہے کہ ملک متحد اور درست سمت گامزن پر ہے۔

غیرملکی مہمانوں اور سفارت کاروں سے گفتگو میں پیوٹن نے کہا کہ روس کے شہریوں نے ملک کی تقدیر سنوارنے کے لیے مہر ثبت کردی ہے ۔

ان کا کہنا تھا کہ میں اس کو ہمارے مشترکہ تاریخی اہداف، اپنے حقوق، اقدار، آزادی اور روس کے قومی مفادات کا بہادری سے دفاع سمجھتا ہوں۔

واضح رہے کہ صدر پیوٹن 1999 سے روس میں مسلسل برسراقتدار ہیں۔