وزیراعظم شہبازشریف کا کہنا ہے کہ 9 مئی کے واقعات میں ملوث عناصر کو قرار واقعی سزا دی جائے گی، 9 مئی 2023 میں پاکستان کو تقسیم کرنے کی گھٹیا حرکت کی گئی۔

اسلام آباد میں وزیراعظم شہبازشریف نے وزارت اطلاعات کے زیراہتمام شہدا اوران کے خاندانوں سےاظہاریکجہتی کی تقریب سے خطاب کرتے ہوئے کہا کہ عظیم شہدا کےعظیم اہلخانہ کو سلام پیش کرتا ہوں، اس وطن کے بیٹوں نے دلیری سے وطن عزیزکی خاطرپہرہ دیا۔

وزیراعظم نے کہا کہ آپ کے بیٹوں کی قربانی قوم ہمیشہ یاد رکھے گی، تاریخ آپ لوگوں کی قربانی کو ہمیشہ یاد رکھے گی، فخر محسوس کرتا ہوں کہ شہدا کے اہلخانہ کے درمیان موجود ہوں، شہدا کے بچوں کے قوم کے بچوں کی خاطر اپنی جانیں قربان کیں۔

انھوں نے خطاب میں کہا کہ پوری قوم آپ کے ساتھ ملکر یاد کررہی ہے، شہداکی داستانیں سونے اورچاندی سے لکھی جائیں توبھی کم ہے، شہدا قوم کے مایہ نازہیرو ہیں، قوم آج اپنے شہدا اورغازیوں کو یاد کررہی ہے۔ عظیم شہدا کی یادگاروں کونقصان پہنچانے کی کوشش کی جائے۔

وزیراعظم شہبازشریف نے کہا کہ شہدا کی یادگاروں کی بے حرمتی قوم کبھی برداشت نہیں کرسکتی، پاکستان میں تقسیم درتقسیم کرنے کی گھٹیا حرکت کی گئی، اداروں میں دراڑ ڈالنے کی کوشش کی گئی، ایسے عناصر کوکیفرکردارتک پہنچایا جائے، قانونی کارروائی ہوگی۔

انھوں نے کہا کہ قانون اپنا راستہ بنائے گا قانون حرکت میں آئے گا، 9 مئی کو پاکستان کےاندر بغاوت کی کوشش کی گئی، 9 مئی کے واقعات میں ملوث عناصرکو قرارواقعی سزادی جائے گی، ذمہ داروں کو سزاملنی چاہیے تاکہ دوبارہ کوئی ہمت نہ کرے۔

وزیراعظم نے مذید کہا کہ ایسا سیاہ دن پاکستان کی تاریخ میں دوبارہ نہیں آئے گا، 9 مئی پاکستان کے خلاف بغاوت کا ایک منظم منصوبہ تھا، 9مئی 2023 میں پاکستان کو تقسیم کرنے کی گھٹیا حرکت کی گئی، شہدا کے لوحقین اطمینان رکھیں قانون اپنا راستہ ضرور اپنائے گا۔