خواجہ آصف نے کہا کہ شروع سے لے کر آج تک بار باری سب پر آرٹیل 6 لگنا چاہئے، ڈپٹی اسپیکرقاسم سوری نے آئین توڑاان پر بھی آرٹیکل 6 لگنا چاہیے۔ 

قومی اسمبلی کے اجلاس میں وزیردفاع خواجہ آصف نے اظہارِ خیال تو ایوان میں شورشرابہ کیا گیا۔ اس پراسپیکرقومی اسمبلی ایاز صادق نے کہا کہ رات 12 بجے تک بیٹھا ہوں، جو حذف کرنا تھا کردیا، اداروں کے خلاف بات کرنےنہیں دوں گا۔

خواجہ آصف نے کہا کہ میں نے سیاسی باپ کی بات ہےکی، فرنٹ پروہ لوگ ہیں جومجلس شوریٰ پربھی تھےاورمشرف کیساتھ بھی تھے، ان لوگوں کوتویاد ہی نہیں کہ یہ کہاں کہاں تھے۔

وزیردفاع خواجہ آصف کی تقریر کے دوران قومی اسمبلی کا ایوان مچھلی بازار بن گیا۔

خواجہ آصف نے کہا کہ اسپیکرصاحب! ان کوچپ کرائیں یہ آپ کی ذمہ داری ہے، اسپیکرصاحب! آپ زیادتی کررہے ہیں، میری تقریر کے دوران ان کا مائیک کھلوا دیتے ہیں جوزیادتی ہے۔

اسپیکر ایاز صادق نے کہا کہ میں 2 دن کیلئےاجلاس ملتوی کردوں گا۔

خواجہ آصف نے کہا کہ اسپیکرصاحب!یہ کیسی سیکیورٹی ہے؟ آپ نے گیلری میں ان کے بندے بٹھائے ہوئے ہیں، امریکی بیانیے کی جگہ اب ان کے پاس لندن پلان ہے۔

اسپیکر نے کہا کہ ڈیبیٹ نہیں ہورہی کیوں نہ دو دن کی چھٹی لے لیں؟ عامرڈوگرصاحب اپوزیشن لیڈر کی تقریر میں کوئی نہیں بولا، گوہرصاحب آپ کومائیک نہیں ملے گا صرف پارلیمانی لیڈر کو ملے گا، عمرایوب کی تقریرسکون سے سنی آپ بھی سکون سے سنیں۔

خواجہ آصف نے اسپیکر سے مکالہ کرتے ہوئے کہا کہ ہاؤس ان آرڈر کرائیں، ایوب خان کی لاش کوقبرسے نکال کرپھانسی دی جائے، اتنا خوف ہے کہ وکیلوں والاڈریس پہن کرایوان میں آتے ہیں، مانتے ہیں جنرل ضیا کے ساتھ تھے، اس فلورپرمعافی مانگی ہوئی ہے،

ایوب خان کےپوتےعمرایوب کاخواجہ آصف کی تقریرکےدوران شورشرابا۔ خواجہ آصف نے تقریر جاری رکھتے ہوئے کہا کہ اسپیکر صاحب اپوزیشن کو مرچیں لگ رہی ہیں، آرٹیکل 6 لگانے کا آغازایوب خان سے کیا جانا چاہئے، سب سے پہلے حلف کی خلاف ورزی ایوب خان نے کی۔

وزیردفاع نے اظہار خیال کرتے ہوئے کہا کہ شروع وہاں سے ہونا چاہئے جس رات عدم اعتماد روکنے کے لیے اسمبلی ختم کی گئی، اسپیکرکی کرسی پر بیٹھ کر آئین توڑاگیا تھا، ابھی تواتنا سا ہوا ہے، ابھی تو پوری رات باقی ہے۔

خواجہ آصف نے کہا کہ آئین کی خلاف ورزی کرنے والوں کے خلاف کارروائی ہونی چاہئے، آئین توڑنےوالوں کے خلاف آرٹیکل6لگنا چاہئے، ایوب خان نے جمہوری حکومت کا تختہ الٹا تھا، ایوب خان نے ملک میں پہلا مارشل لا لگایاتھا۔

وفاقی وزیردفاع نے مزید کہا کہ شروع سے لے کر آج تک بار باری سب پر آرٹیل 6 لگنا چاہئے، ڈپٹی اسپیکرقاسم سوری نے آئین توڑاان پربھی آرٹیکل 6 لگنا چاہیے،  پی ٹی آئی کے دور میں میرے خلاف آرٹیکل 6 لگانے کا فیصلہ کیا گیا تھا۔ یہ وہ پارٹی ہے جو کہتی ہے بانی پی ٹی آئی نہیں توپاکستان نہیں، شیرافضل مروت کواسپیکراورمجھ سےملاقات کی پاداش میں پارٹی سےہی نکال دیا۔

انھوں نے کہا کہ سارامیڈیا پوچھ رہا ہے اپوزیشن کا لیڈرکون ہے؟ ماضی کے کرتوت سامنے لانے پراپوزیشن شور شرابے پر آ گئی،  اسد قیصرکہتےہیں اپنے باپ سے بھی معافی نہیں مانگتا، ہم تواپنے ماں باپ سے100مرتبہ معافی مانگنےکوتیارہیں، غیرآئینی طورپر اسمبلی توڑنےاورآئین شکنی پر پہلےیہ لوگ معافی مانگیں، یہ10روپےکی اوقات نہیں اورمجھ پر10 ارب روپےہرجانےکادعویٰ کردیا۔

خواجہ آصف کا کہنا تھا کہ اسپیکرصاحب، دہشتگردی کاماحول چل رہاہے، اسپیکرصاحب، پارلیمان کی سیکیورٹی کابندوبست کرلیں، یہ ماضی میں پارلیمان پرحملہ کرچکے ہیں، یہ اب بھی پاگل پن میں پارلیمان پرحملہ کرسکتےہیں، یہ9مئی کی معافی مانگیں میں ان سےمعافی مانگ لوں گا۔

اسپیکرقومی اسمبلی نے اجلاس کل صبح 11 بجے تک ملتوی کردیا۔