ایرانی صدر ابراہیم رئیسی ساتھیوں سمیت ہیلی کاپٹر حادثے میں جاں بحق

ویب ڈیسک

20th May, 2024. 09:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایرانی صدر ابراہیم رئیسی ساتھیوں سمیت ہیلی کاپٹر حادثے میں جاں بحق

ایرانی میڈیا نے ہیلی کاپٹر حادثے میں صدر ابراہیم رئیسی کے جاں بحق ہونے کی تصدیق کردی۔

ایرانی میڈیا کی رپورٹ کے مطابق ہیلی کاپٹر حادثے میں ایران کے صدر آیت اللہ ابراہیم رئیسی اور وزیر خارجہ حسین امیرعبداللہیان سمیت تمام افراد جاں بحق ہوگئے ہیں۔

ہیلی کاپٹر حادثہ تبریز سے 100 کلومیٹر دور پیش آیا جس میں مشرقی آذربائیجان کے گورنر مالک رحمتی، ایرانی سپریم لیڈر آیت اللہ خامنہ ای کے ترجمان آیت اللہ علی الہاشم، فلائٹ کریو، سیکیورٹی چیف اور باڈی گارڈ بھی جاں بحق ہوئے۔

اس سے قبل ایرانی ہلال احمر کے سربراہ کا کہنا تھا کہ صدر رئیسی کا ہیلی کاپٹر کریش ہونے کے مقام پر زندگی کے کوئی آثار نہیں ملے۔

ایرانی میڈیا کی جانب سے صدر ابراہیم رئیسی کے جاں بحق ہونے کی اطلاع کی سرکاری سطح پر تصدیق نہیں ہوسکی ہے۔

واضح رہے کہ ایرانی آئین کے مطابق اول نائب صدر محمد مخبر بطور قائم مقام صدر ذمہ داری سنبھالیں گے اور نئے صدر کے انتخاب کے لیے 50 روز میں ووٹنگ کروائی جائے گی۔