حکام ملبے کے بڑے حصے کے دونوں طرف محفوظ مقامات پر انخلا مراکز قائم کرنے کی کوشش کر رہے ہیں۔

انٹرنیشنل آرگنائزیشن فار مائیگریشن نے پاپوا نیو گنی (پی این جی) میں بڑے پیمانے پر لینڈ سلائیڈنگ سے مرنے والوں کی تعداد کا تخمینہ بڑھا کر 670 سے زیادہ کردیا ہے۔

یہ بھی پڑھیں: پاپوا نیو گنی میں لینڈ سلائیڈنگ، متعدد افراد کے ہلاک ہونے کا خدشہ

جنوبی بحرالکاہل کے جزیرے پر واقع ملک میں اقوام متحدہ کے ادارے کے مشن کے سربراہ سرہان اکٹوپراک نے آج کہا کہ ہلاکتوں کی نظر ثانی شدہ تعداد یمبلی گاؤں اور انگا کے صوبائی حکام کے اندازوں کی بنیاد پر کی گئی ہے کہ جمعے کے روز لینڈ سلائیڈنگ کی وجہ سے 150 سے زیادہ گھر ملبے تلے دب گئے ہیں۔

سرہان اکٹوپراک نے کہا کہ ان کا اندازہ ہے کہ اس وقت 670 سے زیادہ لوگ مٹی کے نیچے ہیں، صورتحال انتہائی خوفناک ہے کیونکہ زمین اب بھی پھسل رہی ہے۔

دارالحکومت پورٹ مورسبی سے تعلق رکھنے والے اکٹوپرک نے مزید کہا کہ پہاڑوں کے نیچے پانی بہہ رہا ہے اور اس سے مزید لینڈ سلائیڈنگ کا خطرہ پیدا ہو رہا ہے۔

یہ بھی پڑھیں: مہلک لینڈ سلائیڈنگ سیکڑوں زندہ افراد کی قبر بننے کو تیار

مقامی حکام نے ابتدائی طور پر جمعے کو ہلاکتوں کی تعداد 100 یا اس سے زیادہ بتائی تھی۔ اتوار تک صرف پانچ لاشیں اور چھٹے متاثرہ کی ایک ٹانگ برآمد ہوئی تھی جبکہ ایک بچے سمیت سات افراد کو طبی امداد فراہم کی گئی تھی۔

دریں اثنا، ہنگامی امدادی کارکن بڑے پیمانے پر لینڈ سلائیڈنگ سے بچ جانے والوں کو محفوظ مقامات پر منتقل کر رہے ہیں کیونکہ ملک کے

پہاڑی علاقوں میں کئی ٹن غیر مستحکم زمین اور قبائلی جنگوؤں نے بچاؤ کی کوششوں کو خطرے میں ڈال دیا ہے۔