انگلینڈ کے خلاف اچھی کرکٹ دیکھنے کو ملے گی، بابراعظم

زاہد فاروق ملک

15th May, 2024. 05:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انگلینڈ کے خلاف اچھی کرکٹ دیکھنے کو ملے گی، بابراعظم

پاکستان کرکٹ ٹیم کے کپتان بابر اعظم نے دعویٰ کیا ہے کہ انگلینڈ کے خلاف اچھی کرکٹ دیکھنے کو ملے گی۔

قومی ٹیم کے کپتان بابر اعظم کا کہنا ہے کہ آئرلینڈ کے خلاف سیریز سے کارکردگی میں بہتری آئی، پہلے میچ کے بعد ٹیم کی بیٹنگ میں کافی بہتری آئی ہے۔

بابراعظم نے کہا کہ انفرادی کارکردگی میں رضوان اور فخر نمایاں رہے جب کہ لوئر آرڈر میں افتخار احمد اور اعظم خان کی بیٹنگ خوش آئند تھی۔

قومی ٹیم کے کپتان نے کہا کہ آنے والی سیریز میں بھی آپ کو مثبت ارادے نظر آئیں گے، بولنگ میں پہلے میچ کے بعد سینئر بولرز نے ذمہ داری لی۔

ان کا کہنا تھا کہ عماد وسیم مشکل صورت حال میں بہت اچھی بولنگ کررہے ہیں، جو بھی پلان ہے اس پر اب عمل درآمد ہورہا ہے۔

بابر اعظم کا مزید کہنا تھا کہ کوشش ہوگی کہ انگلینڈ کے خلاف اسی مومینٹم کو برقرار رکھیں، انگلینڈ کے خلاف اچھی کرکٹ دیکھنے کو ملے گی۔

واضح رہے کہ پاکستان نے ٹی ٹوئنٹی سیریز میں آئرلینڈ کو شکست دے دی ہے جس کے بعد قومی ٹیم آج انگلینڈ روانہ ہوگی۔