پی ٹی آئی رہنما عامر مغل گرفتار، عمر ایوب کی مذمت

ویب ڈیسک

24th May, 2024. 12:54 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ٹی آئی رہنما عامر مغل گرفتار، عمر ایوب کی مذمت

پی ٹی آئی سیکریٹریٹ پر سی ڈی اے کے آپریشن کے دوران حکام نے پی ٹی آئی اسلام آباد کے صدر عامر مغل کو گرفتار کر لیا ہے۔

پی ٹی آئی اسلام آباد کے صدر اور ایم این اے عامر مغل کی گرفتاری کی اپوزیشن لیڈر عمر ایوب نے شدید الفاظ میں مذمت کی اور کہا کہ اتنی جلدی تھی تو رات کو کیوں آپریشن کیا گیا۔

عمر ایوب نے پی ٹی آئی سیکریٹریٹ پر آپریشن کی مذمت کی اور کہا کہ عامر مغل کو بغیر کسی وجہ کے گرفتار کیا گیا ہے۔

انہوں نے کہا کہ اسلام آباد انتظامیہ کی اس حرکت پر ایوان میں آواز اٹھائیں گے، اور اسلام آباد پولیس اورسی ڈی اے کے خلاف صبح مقدمہ درج کرائیں گے۔

ان کا کہنا تھا کہ سی ڈی اے نے بغیر نوٹس کے کارروائی کی، اچھے ماحول میں بات ہوسکتی تھی، آئی جی اسلام آباد کو کمیٹی میں طلب کریں گے اور عدالت کے ذریعے مقابلہ کریں گے۔

عمر ایوب نے کہا کہ بطور اپوزیشن لیڈر میرا استحقاق مجروح ہوا ہے، اسلام آباد میں فلسطین جیسا آپریشن کیا گیا اگر بلڈنگ ہر اعتراض تھا تو ہمارے پاس آتے، احسن طریقے سے معاملے کو نمٹایا جا سکتا تھا۔

اپوزیش لیڈر عمر ایوب نے مزید کہا کہ شہبازشریف اور محسن نقوی سیاسی انتقام کا نشانہ بنا رہے ہیں، شہبازشریف اورمحسن نقوی کوایک دن خمیازہ بھگتنا پڑے گا۔