وفاقی وزیرداخلہ محسن نقوی سی ایم ایچ کوئٹہ پہنچ گئے جہاں انھوں نے گذشتہ روزجھڑپ میں زخمی 6 جوانوں کی عیادت کی۔ 

تفصیلات کے مطابق وفاقی وزیرداخلہ محسن نقوی نے زخمی جوانوں کی خیریت دریافت کی اورزخمی جوانوں کی جلد صحت یابی کے لئے دعا کی۔

اس موقع پرمحسن نقوی نے کہا کہ زخمی جوانوں نے بہادری کےساتھ شرپسندوں کامقابلہ کیا، سی ایم ایچ میں زخمی جوانوں کا بہترین علاج ہورہا ہے۔

وفاقی سیکرٹری داخلہ خرم آغا بھی ہمراہ تھے۔

کوئٹہ میں وفاقی وزیرداخلہ محسن نقوی، وزیراعلیٰ بلوچستان سرفرازبگٹی اورسینیٹرانوارالحق کاکڑ نے پریس کانفرنس بھی کی۔

محسن نقوی نے کہا کہ کوئٹہ میں امن وامان صورتحال کے حوالے سے اجلاس میں شرکت کی۔ کوئٹہ کرکٹ گراؤنڈ کا بھی دورہ کیا۔

وفاقی وزیرداخلہ نے کہا کہ وزیراعلیٰ بلوچستان سرفراز بگٹی نے خصوصی کوئٹہ میں کرکٹ گراؤنڈ آنے کی دعوت دی۔ پی سی بی نے فیصلہ کیا ہے کہ فلڈ لائٹ لگانے کا اعلان کیا ہے۔ پی ایس ایل میں بلوچستان کی شرکت کے حوالےسے بھی معاملات دیکھ رہے ہیں۔

وزیراعلی بلوچستان میرسرفراز بگٹی نے کہا کہ بلوچستان کےایشوز اجلاس زیرغور رہیں۔ کوئٹہ گراؤنڈ میں فلڈ لائٹس سے متعلق دلیرانہ مطالبہ تھا جو آج پورا ہوا۔

سرفراز بگٹی نے کہا کہ وزیر داخلہ محسن نقوی کا کوئٹہ اور کوئٹہ گراؤنڈ کا دورہ کرنے پر مشکور ہوں۔ کسی بھی ملک میں اگر ہم جاتے ہیں تو پاسپورٹ ضروری ہوتا ہے، افغانستان سے آنے والوں کیلئے بھی پاسپورٹ ضروری ہے۔