وزیر اعلیٰ پنجاب کی زیرصدارت اسٹینڈنگ کمیٹی برائے فنانس اینڈ ڈویلپمنٹ اجلاس

ویب ڈیسک

21st May, 2024. 05:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ پنجاب کی زیرصدارت اسٹینڈنگ کمیٹی برائے فنانس اینڈ ڈویلپمنٹ اجلاس

وزیر اعلیٰ پنجاب مریم نواز شریف کی زیر صدارت اسٹینڈنگ کمیٹی برائےفنانس اینڈ ڈویلپمنٹ اجلاس منعقد ہوا۔

اجلاس میں واٹرچارجزمیں اضافےکی تجویزپیش کی گئی تھی لیکن وزیراعلی نے ہائیڈرو پاور پراجیکٹس کے لیے واٹر چارجز بڑھانے سے روک دیا۔

وزیر اعلیٰ کا کہنا تھا کہ ریونیو بڑھے گا لیکن بجلی کی قیمت میں اضافہ ہو سکتا ہے۔

وزیراعلیٰ مریم نواز نے مجوزہ سینی ٹیشن چارجز کم کرنے کا حکم دیتے ہوئے کہا کہ سینی ٹیشن چارجزمیں 50 فیصد کمی کی جائے۔

وزیر اعلیٰ کا بریفنگ میں بتایا گیا کہ پنجاب میں 19.85 ملین رہائشی یونٹس اور20 لاکھ کمرشل یونٹس ہیں۔

اجلاس میں 5 مرلہ تک 300 روپے، 10 مرلہ کے گھر پر 500 روپے سینی ٹیشن چارجز لگانے کا فیصلہ کیا گیا۔

جبکہ 10 مرلہ تک 200،10 مرلہ سے بڑے گھروں پر500 روپے سینٹری چارجز لاگو ہوں گے۔

اجلاس میں 685 ملین روپے سے 2 سڑکوں کی تعمیر کے لیے فنڈز کی منظوری کے علاوہ گرین پاکستان پروگرام کے لیے بھی فنڈز کی منظوری دی گئی۔

اسپورٹس کمپلیکس گاؤ شالا لاہور پراجیکٹ کو بھی شامل کرنے کی منظوری دی گئی۔

اجلاس میں اولڈ ایج ہوم میں 10خواتین کے لیے حج کا وعدہ پورا کرنے کے لیے20 ملین فنڈز کی منظوری دی گئی، وزیر اعلیٰ مریم نواز نے کہا کہ حج پر جانے والی خواتین کو میں خود روانہ کروں گی۔