صدرمملکت آصف علی زرداری نے ہاکی ٹیم کی سلطان اذلان شاہ کپ کے فائنل میچ میں شاندارکارکردگی کوسراہا۔

صدر مملکت نے کہا کہ پاکستان ہاکی ٹیم نے فائنل سمیت پورے ٹورنامنٹ میں بہترین کھیل پیش کیا، ہاکی ٹیم کا عرصے بعد بڑے ٹورنامنٹ کے فائنل میں پہنچنا خوش آئند ہے۔

صدرمملکت نے کہا کہ قومی کھیل ہاکی کی ترقی اورفروغ پرتوجہ دینے کی ضرورت ہے، امید ہے پاکستانی ہاکی ٹیم مستقبل میں بھی بہترکارکردگی کامظاہرہ کریگی۔

وزیراعظم شہبازشریف نے اذلان شاہ ہاکی ٹورنامنٹ میں پاکستان ہاکی ٹیم کے کھلاڑیوں کی عمدہ کارکردگی پر قومی ہاکی ٹیم کو خراج تحسین پیش کیا۔

قومی ہاکی ٹیم کے شانداراستقبال کی تیاریاں

پرائم منسٹریوتھ پروگرام کےچیئرمین رانامشہودٹیم کااستقبال کریں گے، آئی پی منسٹری، اسپورٹس بورڈ کے نمائندے بھی کھلاڑیوں کا استقبال کریں گے۔ ہاکی اولمپئنز،آرگنائزراورنوجوان کھلاڑیوں کی بڑی تعداد بھی موجودہوگی۔

رانا مشہود نے کہا کہ وزیراعظم کی قیادت میں ملک میں کھیلوں کےفروغ کےلیےکوشاں ہیں، پاکستان13سال کےبعدہاکی کےکسی بڑےایونٹ کےفائنل میں پہنچا، وزیراعظم یوتھ پروگرام کےتحت12کھیلوں کی نشاندہی کی ہے۔

انھوں نے کہا کہ اسپورٹس اورایجوکیشن انڈومنٹ فنڈزکاآغازکررہےہیں، پاکستان کھیلوں سےمحبت کرنیوالاملک ہے، کھیلوں کافروغ اورترقی حکومتی ترجیحات میں شامل ہے، امیدہےغیرملکی کھلاڑیوں کادورہ پاکستان یادگارہوگا۔