وزیراعظم شہبازشریف نے وفاقی کابینہ کے اجلاس میں آزاد کشمیر کےلیے 23 ارب روپے کے امدادی پیکیج کا اعلان کیا گیاہے۔

اسلام آباد میں وفاقی کابینہ کا اجلاس ختم ہونے کے بعد وزیراعظم شہبازشریف نے اجلاس میں گفتگو کرتے ہوئے کہا کہ وفاقی کابینہ کے اجلاس میں آزاد کشمیرکی صورتحال پرگفتگوہوئی، آزاد کشمیرکے معاملے پرکل تمام اتحادیوں سمیت سب اکٹھےہوئے، کل طویل مشاورت کےبعدفوری فیصلے کیے گئے۔

وزیراعظم شہبازشریف نے کہا کہ متفقہ طور پر فیصلہ ہواکہ مظاہرین کے مطالبات پرعملدرآمد کیا جائے، آزادکشمیر کےلیے 23 ارب روپے کے امدادی پیکیج کا اعلان کیا گیا ہے۔ کشمیر پاکستان کی شہ رگ ہے، آزاد کشمیرمیں احتجاجی تحریک اب ختم ہوچکی ہے۔

وزیراعظم نے گفتگو کرتے ہوئے کہا کہ احتجاج میں کچھ جانیں گئیں، ایک پولیس افسر بھی شہید ہوا، سابق حاصل ہوا بطورنمائندہ عوام کی بات سننی چاہئے، کچھ لوگ چاہتے تھے تحریک کی آڑ میں معاملات خراب ہوں، انسانی جانوں کے نقصان پر افسوس ہے۔

وزیراعظم شہبازشریف نے کہا کہ چند روزمیں خود آزادکشمیر کا دورہ کروں گا، پاکستان کو ترقی وخوشحالی کے سفرپر گامزن کریں گے، آزادکشمیر کی حکومت نے تحمل سے کام لیا۔

وفاقی کابینہ نے اجلاس میں ملکی سیاسی ومعاشی صورتحال کاجائزہ لیا۔