مودی نے لوک سبھا انتخابات کے لئے کاغذات نامزدگی جمع کرا دیے

ویب ڈیسک

14th May, 2024. 03:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مودی نے لوک سبھا انتخابات کے لئے کاغذات نامزدگی جمع کرا دیے

مودی نے لوک سبھا اںتخابات کے لئے کاغذات نامزدگی جمع کرا دیے

بھارتی وزیر اعظم نریندر مودی نے لوک سبھا انتخابات کے لئے کاغذات نامزدگی جمع کرا دیے۔

غیر ملکی خبر رساں ادارے کی رپورٹ کے مطابق بھارتی وزیر اعظم نریندر مودی نے ریاست اتر پردیش کے شہر وارانسی سے 2024 کے لوک سبھا انتخابات کے لیے اپنے کاغذات نامزدگی جمع کرائے۔

رپورٹ کے مطابق کاغذات نامزدگی جمع کرواتے وقت یوپی کے وزیر اعلیٰ یوگی آدتیہ ناتھ اور چار تجویز کنندگان بھی موجود تھے جب کہ کاغذات نامزدگی جمع کرانے کے بعد نریندر مودی نے پارٹی کارکنوں سے بھی ملاقات کی۔

خیال رہے کہ وارنسی کی نشست پر نریندر مودی دو مرتبہ جیت حاصل کرچکے ہیں، پہلی مرتبہ انہوں نے 2014 اور پھر 2019 میں بھارتیہ جنتا پارٹی کی جانب سے یہ نشست حاصل کی تھی۔

اس نشست پر نریندر مودی کا مقابلہ اتر پردیش کانگریس کے سربراہ اجے رائے اور بہوجن سماج وادی پارٹی (بی ایس پی) کے اطہر علی لاری سے ہوگا۔

واضح رہے کہ مودی نے 2014 میں اس نشست پر تقریباً 3 لاکھ 72 ہزار ووٹ حاصل کیے اور 2019 میں بڑی چھلانگ کر انہوں نے 4 لاکھ 80 ہزار ووٹ حاصل کیے تھے۔ بھارت میں عام انتخابات کے آخری مرحلے کے لئے یکم جون کو پولنگ ہوگی۔