سیکیورٹی فورسز کے آپریشن میں 3 دہشت گرد ہلاک، ایک میجر شہید

ویب ڈیسک

14th May, 2024. 11:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیکیورٹی فورسز کے آپریشن میں 3 دہشت گرد ہلاک، ایک میجر شہید

سیکیورٹی فورسز نے انٹیلی جنس بیسڈ آپریشن میں 3 دہشت گردوں کو جہنم واصل کر دیا ہے، جبکہ پاک فوج کا ایک میجر شہید ہو گیا۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان کے ضلع ژوب کےعلاقے سمبازہ میں انٹیلی جنس بیسڈ آپریشن کیا۔

آپریشن کے دوران فائرنگ کے تبادلے میں 3 دہشت گرد ہلاک ہو گئے۔

آئی ایس پی آر کے مطابق ہلاک دہشتگردوں سے اسلحہ، گولہ بارود اور دھماکا خیزمواد برآمد ہوا۔

آئی ایس پی آر کا کہنا تھا کہ دہشتگردوں کی فائرنگ سے پاک فوج کے میجربابرخان شہید ہو گئے ہیں۔

سیکیورٹی فورسز کا کہنا ہے کہ علاقے میں دہشتگردوں کو ختم کرنے کے لیے کلیئرنس آپریشن کیا گیا تھا۔ بہادرسپاہیوں کی قربانیاں ہمارےعزم کو مزید مضبوط کرتی ہیں۔

آئی ایس پی آر کا مزید کہنا تھا کہ دیگر دہشت گردوں کی تلاش جاری ہے اور ان کے خاتمے تک آپریشن جاری رہے گا۔

آئی ایس پی آر کے مطابق علاقے میں موجود دوسرے دہشت گردوں کے خاتمے کیلیے آپریشن جاری ہے۔

ترجمان آئی ایس پی آر کا مزید کہنا تھا کہ سیکیورٹی فورسز بلوچستان کے امن و استحکام کے لیے پُرعزم ہے اور پاک فوج کسی بھی قربانی سے گریز نہیں کرے گی۔