ملک میں معاشی بحران، قومی اسمبلی سیکرٹریٹ میں شاہ خرچیاں جاری

ملک سعید اعوان

26th May, 2024. 01:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں معاشی بحران، قومی اسمبلی سیکرٹریٹ میں شاہ خرچیاں جاری

اسلام آباد: ملک میں معاشی بحران کے بعد حکومت آئی ایم ایف سے قرض کی خواہ ہے تاہمقومی اسمبلی سیکرٹریٹ میں شاہ خرچیاں جاری ہیں۔

ذرائع کے مطابق قومی اسمبلی سیکرٹریٹ کے ملازمین کے منجمد الاؤنسز بحال کردیے گئے ہیں جب کہ قومی اسمبلی سیکرٹریٹ ملازمین کے پارلیمنٹ ہاؤس الاؤنس اور بجلی و تیل الاؤنس میں بھی اضافہ کردیا گیا ہے۔

ذرائع کا کہنا ہے پارلیمنٹ ہاؤس الاؤنس سو فیصد کردیا گیا جب کہ پارلیمنٹ ہاؤس الاؤنس گریڈ ایک سے نو تک کے ملازمین کے لئے ساٹھ فیصد تھا۔

پارلیمنٹ ہاؤس الاؤنس گریڈ دس سے سولہ تک کے ملازمین کے لئے پچاس فیصد تھا جب کہ گریڈ سترہ سے بائیس تک کے ملازمین کا چالیس فیصد تھا۔

علاوہ ازیں قومی اسمبلی سیکرٹریٹ ملازمین کی فیول اور بجلی سبسڈی کی مد میں الاؤنسز کو بھی بڑھا دیا گیا ہے۔

فیول بجلی سبسڈی کی مد میں الاؤنس 35 فیصد سے بڑھاکر 65 فیصد کردیا گیا ہے جب کہ الاؤنسز میں اضافے کی منظوری قومی اسمبلی کی فنانس کمیٹی نے دی۔