اپوزیشن لیڈر کو 2023 میں ایک دوسرے کیس میں دو سال قید کی سزا سنائی گئی تھی لیکن ملک کی سپریم کورٹ میں اپیل کرنے کے بعد انہیں جیل نہیں بھیجا گیا تھا۔

بھارت کی ایک عدالت نے وزیر اعظم نریندر مودی یا ان کی پارٹی پر بدعنوانی کا الزام لگانے پر اپوزیشن لیڈر راہول گاندھی کے خلاف دائر ہتک عزت کے متعدد مقدمات میں ان کی ضمانت منظور کرلی۔

53 سالہ راہول گاندھی کو حکمراں جماعت بھارتیہ جنتا پارٹی (بی جے پی) کے ارکان کی جانب سے دائر متعدد قانونی مقدمات کا سامنا ہے اور گزشتہ سال مجرمانہ بدنامی کی سزا کے بعد انہیں پارلیمنٹ سے نااہل قرار دیا گیا تھا۔

وہ حزب اختلاف کے ان کئی سرکردہ رہنماؤں میں سے ایک ہیں جن کے بارے میں ان کا دعویٰ ہے کہ وہ مودی حکومت کی جانب سے سیاسی طور پر چلائے جانے والے مقدمات میں فوجداری کارروائی کا سامنا کر رہے ہیں۔

تازہ ترین معاملہ راہول گاندھی کی کانگریس پارٹی کی جانب سے شائع ہونے والے اشتہارات سے شروع ہوا ہے جس میں بی جے پی پر جنوبی ریاست کرناٹک میں انفراسٹرکچر پروجیکٹوں سے بدعنوان طریقے سے کمیشن لینے کا الزام لگایا گیا ہے۔

53 سالہ گاندھی نے اس الزام کے حوالے سے حراست میں کوئی وقت نہیں گزارا ہے۔

کانگریس کے ترجمان رندیپ سرجے والا نے خبر رساں ادارے سے بات کرتے ہوئے اس بات کی تصدیق کی ہے کہ رہنما کانگریس کی ضمانت ہو گئی ہے۔

راہول گاندھی کو گزشتہ سال 2023 میں گجرات میں ایک الگ معاملے میں دو سال قید کی سزا سنائی گئی تھی لیکن بھارت کی سپریم کورٹ میں اپیل کرنے کے بعد انہیں جیل نہیں بھیجا گیا تھا۔

جمعہ کو یہ معاملہ مودی اور بی جے پی کے ملک گیر انتخابات جیتنے کے چند دن بعد سامنے آیا تھا ، حالانکہ کم اکثریت کے ساتھ انہیں حکومت کرنے کے لئے اتحادی شراکت داروں پر انحصار کرنے پر مجبور ہونا پڑا تھا۔

ناقدین نے مودی اور ان کی پارٹی پر سیاسی حریفوں کو نشانہ بنانے کے لئے انصاف کے نظام کا استعمال کرنے کا الزام لگایا ہے۔