پرتگال میں ہونے والے ایک ایئر شو کے دوران فضائی کرتب دکھانے والے دو طیارے آپس میں ٹکرا گئے۔

پرتگال کے جنوبی علاقے میں اتوار کے روز ایک ایئر شو کے دوران دو چھوٹے طیارے آپس میں ٹکرا گئے جس کے نتیجے میں ایک پائلٹ ہلاک ہو گیا۔

پرتگالی میڈیا نے بتایا کہ ان میں سے ایک طیارے کا پائلٹ ہلاک ہو گیا ہے۔

بیان میں کہا گیا ہے کہ فضائیہ کو یہ اعلان کرتے ہوئے افسوس ہو رہا ہے کہ شام 4 بج کر 5 منٹ پر بیجا ایئر شو میں فضائی مظاہرے کے دوران دو طیارے حادثے کا شکار ہوئے، اس فضائی کرتب میں چھ طیارے شامل تھے۔

پرتگالی میڈیا نے طیارے کی شناخت دو یاکوولیف یاک -52 کے طور پر کی ہے ، جو سوویت ڈیزائن کردہ ایروبیٹک تربیتی ماڈل ہے۔

فضائیہ کا کہنا ہے کہ ہنگامی خدمات جائے وقوعہ پر موجود ہیں اور بیجا ہوائی اڈے پر شو کے منتظمین نے تقریب کو معطل کردیا ہے۔

ایک تماشائی کی جانب سے بنائی گئی اور سوشل میڈیا پر پوسٹ کی گئی ایک ویڈیو میں دیکھا جا سکتا ہے کہ پرواز کے دوران چھ طیارے فضائی کرتب دکھا رہے تھے کہ اچانک ایک طیارہ دوسرے طیارے سے ٹکرا گیا اور زمین پر گر کر تباہ ہو گیا۔

پرتگالی اخبارات نے عینی شاہدین کے حوالے سے بتایا ہے کہ یہ چھ طیارے ‘یاک اسٹارز’ نامی ایروبیٹک گروپ کا حصہ تھے۔

انہوں نے کہا کہ تقریب کے منتظمین نے اسے جنوبی یورپ کے سب سے بڑے سول ایروبیٹک گروپ کے طور پر پیش کیا۔