ملک بھر میں بجلی کا شارٹ فال 5 ہزار 172 میگاواٹ تک پہنچ گیا

ملک سعید اعوان

03rd Jun, 2024. 01:54 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک بھر میں بجلی کا شارٹ فال 5 ہزار 172 میگاواٹ تک پہنچ گیا

اسلام آباد: ملک بھر میں آج بجلی کا شارٹ فال 5 ہزار 172 میگاواٹ تک پہنچ گیا ہے۔

ملک بھر میں گرمی کی شدید لہر جاری ہے اور اس دوران بجلی کا شارٹ فال بھی جاری ہے جب کہ پاور ڈویژن ذرائع کے مطابق ملک بھر میں آج بجلی کا شارٹ فال 5 ہزار 172 میگاواٹ تک پہنچ گیا ہے۔

پاور ڈویژن ذرائع کا کہنا ہے کہ ملک میں بجلی کی طلب آج 26 ہزار میگاواٹ تک ہے جب کہ ملک میں بجلی کی پیداوار 20 ہزار 828 میگاواٹ ہے۔

پاور ڈویژن ذرائع نے بتایا کہ آج پن بجلی ذرائع سے 7 ہزار 556 میگاواٹ بجلی پیدا ہورہی ہے جب کہ سرکاری تھرمل پاور پلانٹس 880 میگاواٹ بجلی پیدا کررہے ہیں اور نجی شعبے کے بجلی گھروں کی پیداوار 7 ہزار 880 میگاواٹ ہے۔

علاوہ ازیں ونڈ پاور پلانٹس سے990 میگاواٹ بجلی پیدا ہورہی ہے، سولر پاور پلانٹس سے 189 بگاس سے 133 میگاواٹ بجلی پیداوار ہے جب کہ نیوکلئیر پاور پلانٹس سے 3 ہزار 200 میگاواٹ بجلی پیدا ہورہی ہے۔

ذرائع کا مزید کہنا تھا کہ ملک کے شہری علاقوں میں 6 گھنٹے تک بجلی کی لوڈ شیڈنگ جاری ہے اور دیہی علاقوں میں لوڈشیڈنگ کا دورانیہ 8 گھنٹے تک ہے جب کہ لائن لاسز والے علاقوں میں 12 سے 14 گھنٹے کی لوڈ شیڈنگ کی جارہی ہے۔