نوازشریف نے کہا ہے کہ قوم کوموازنہ کرنا چاہیے کہ کس نے ملک کی خدمت کی اور کس نے اجاڑا، جنگلا بس کہنے والے جنگلا بس بنا کراربوں روپے کھا گئے۔

قائد مسلم لیگ ن اورصدرنواز شریف نے مری میں سینیٹ میں پارلیمانی پارٹی کے ارکان سے گفتگو کرتے ہوئے کہا ہے کہ مہنگائی کم ہورہی ہے، اسٹاک مارکیٹ اوپرجارہی ہے، چیزوں کی قیمت کم ہونے سے عوام نے سکھ کا سانس لیا۔ پاکستان میں غریب لوگوں کاجینا مشکل کردیاگیا۔

سابق وزیراعظم نوازشریف نے کہا کہ مریم نواز دن رات محنت کررہی ہیں، انہیں شاباش دوں گا، ہم ملک سے باہررہے، قیدوبندبرداشت کی، شاہدخاقان عباسی عمدہ انسان ہیں، شاہدخاقان عباسی نے بہت بہادری سے جیل کاٹی۔

نوازشریف نے کہا کہ شاہدخاقان عباسی نے کبھی اُف تک نہ کیا، کیاوجہ تھی کہ پرویزمشرف نے اچھی حکومت کوباہر پھینکا،  پرویز مشرف دنیا سے چلے گئے، میرے دل میں ان کیلئےکوئی شکوہ نہیں۔ عدلیہ نے کہا آپکا ہی توانتظارتھا، پہلے آجانا چاہیے تھا۔

صدرمسلم لیگ ن نے کہا کہ آج پاکستان میں لوگوں کو سکھ کا سانس آیا ہے، میں اس بات پر شہبازشریف کوشاباش دوں گا،  پشاور میٹروبس میں گھپلے ہوئے ہیں، قوم کوموازنہ کرنا چاہیے کس نے ملک کی خدمت کی اور کس نے اجاڑا، جنگلا بس کہنے والے جنگلا بس بنا کراربوں روپے کھا گئے۔

انھوں نے کہا کہ جمہوریت کی خاطرایک دوسرے سے ملتے ہیں یہ جمہوریت کاحسن ہے، ہم تو آپ کے گھرچل کرآئےتھے آؤ ملکرکام کریں، ہمیں طعنہ دیتے ہیں جمہوریت کوآپ نےخود تباہ کیا، دھرنےمیں کہتےتھے نوازشریف تمہیں جیل میں ڈالوں گا، کہاگیانوازشریف  کو جیل میں ڈال دوں گا، اے سی اتروا دوں گا۔

نوازشریف نے گفتگو میں کہا کہ اب تم جیل میں ہومیرا توکبھی دھیان نہیں گیا تمہارا ے سی اتاروں، ہم تو آئی ایم ایف کوخداحافظ کہہ چکے تھے یہ دوبارہ لے آئے، آئی ایم ایف کی شرطیں مان لی گئیں توعوام کیلئے کیسے مشکل پیدانہیں ہوگی۔

سابق وزیراعظم نے مزید کہا کہ پاکستان کے ہرمنصوبے پر ن لیگ کانام لکھاہے، ہم نے دن رات قوم کی خدمت کی ہے۔