پاکستان ریلوے نے عید الاضحٰی پر اسپیشل ٹرینیں چلانے کا اعلان کر دیا

ویب ڈیسک

05th Jun, 2024. 07:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان ریلوے نے عید الاضحٰی پر اسپیشل ٹرینیں چلانے کا اعلان کر دیا

پاکستان ریلوے نے عید الاضحٰی کے موقع پر عوام الناس کے سہولت کے لیے تین اسپیشل ٹرین چلانے کا اعلان کیا ہے۔

پاکستان ریلوے کے مطابق اپنوں میں عید منانے والے شہریوں کے لیے دو اسپیشل ٹرین کراچی سے چلانے کا فیصلہ کیا ہے، جبکہ تیسری اسپیشل ٹرین کوئٹہ سے راولپنڈی کے لیے چلائی جائے گی۔

پہلی اسپیشل ٹرین کراچی سے پشاور براستہ فیصل آباد، سرگودھا، لالہ موسیٰ 14 جون 2024 کو شام 6 بجکر 30 منٹس پر کراچی سٹی سے روانہ ہو گی۔

دوسری اسپیشل ٹرین کراچی سے لاہور براستہ خانیوال ساہیوال 15 جون 2024 کو کراچی کینٹ سے رات 9 بجے روانہ ہو گی۔

ریلوے حکام کے مطابق پہلی اسپیشل ٹرین میں تمام کوچز اکانومی کلاس کے ہونگے، جبکہ دوسری اسپیشل ٹرین میں 2 بزنس اور دواسٹینڈرڈ باقی تمام اکانوی کلاس کوچز لگائی جائیں گی۔

تیسری سپیشل ٹرین کوئٹہ سے راولپنڈی براستہ سبی، جیکب آباد، روہڑی، بہاولپور، ملتان، ساہیوال، لاہور کے لیے 14 جون کو صبح دس بجے کوئٹہ ریلوے اسٹیشن سے روانہ ہوگی۔