دس سالوں میں حکومتی اداروں نے قومی خزانے کو کتنے کا نقصان پہنچایا؟ تفصیلات سامنے آگئیں

عمر حیات خان

26th Jun, 2024. 01:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دس سالوں میں حکومتی اداروں نے قومی خزانے کو کتنے کا نقصان پہنچایا؟ تفصیلات سامنے آگئیں

اسلام آباد: گزشتہ 10 سالوں میں 23 حکومتی ملکیتی اداروں نے قومی خزانے کو 56 سو ارب روپے کا نقصان پہنچایا ہے۔

گزشتہ 10 سالوں میں 23 حکومتی ملکیتی اداروں میں سے این ایچ اے، پی آئی اے، بجلی تقسیم کار کمپنیاں اور پاکستان ریلوے نقصان میں چلنے والوں میں سرفہرست ہیں۔

وزارت خزانہ کے مطابق این ایچ اے 1553 ارب، کیسکو 594 ارب اور پیسکو نے 548 ارب روپے کا قومی خزانے کو نقصان پہنچایا، پاکستان ریلوے نے 390 ارب، پی آئی اے نے 713 ارب روپے کا نقصان پہنچایا۔

وزارت خزانہ نے بتایا کہ پاکستان اسٹیل ملز نے 224 ارب، پاکستان پوسٹ نے 77 ارب روپے کا نقصان پہنچایا، لیسکو نے 219 ارب، سیپکو نے 374 ارب اور میپکو 190 ارب روپے کا نقصان پہنچایا۔

وزارت خزانہ کی رپورٹ میں مزید بتایا گیا ہے کہ سوئی سدرن گیس کمپنی نے 89 ارب، حیسکو نے 264 ارب، آئیسکو نے 92 ارب اور پاکستان براڈ کاسٹنگ کارپوریشن نے 32 ارب کا نقصان پہنچایا۔

وزارت خزانہ کا کہنا تھا کہ گزشتہ 10 برسوں میں حکومتی ملکیتی اداروں کے نقصانات ناقص انتظامیہ سمیت گورننس اور دیگر وجوہات کے باعث ہوئے۔