جاپان، امریکی فضائیہ کے اہلکار پر جنسی زیادتی کی فرد جرم عائد

ویب ڈیسک

26th Jun, 2024. 10:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جاپان، امریکی فضائیہ کے اہلکار پر جنسی زیادتی کی فرد جرم عائد

جاپان میں امریکی فضائیہ کے ایک اہلکار پر مقامی لڑکی کے ساتھ جنسی زیادتی کے الزام میں فرد جرم عائد کی گئی ہے۔

جاپان کے جنوبی شہر اوکیناوا میں تعینات امریکی فضائیہ کے ایک رکن پر مارچ میں ایک کم عمر مقامی لڑکی کو جنسی زیادتی کا نشانہ بنانے پر فرد جرم عائد کیے جانے کا معاملہ سامنے آیا ہے۔

فرد جرم میں کہا گیا ہے کہ دسمبر میں 25 سالہ برینن واشنگٹن، اوکیناوا کے مرکزی جزیرے کے وسطی حصے میں واقع ایک پارک میں متاثرہ لڑکی کے پاس پہنچا اور اسے ایک کار میں بٹھا کر لے گیا۔ وہ ایک دوسرے کو نہیں جانتے تھے۔

گاڑی میں لے جانے سے قبل اُس نے مبینہ طور پر لڑکی کو کھانا پکانے اور ایک ساتھ فلمیں دیکھنے کے لیے اپنے گھر آنے کے لئے کہا اور پھر اس پر جنسی حملہ کیا۔

مقامی پولیس نے لڑکی کی جانب سے شکایت موصول ہونے کے بعد تحقیقات کا آغاز کیا اور 11 مارچ کو ناہا ڈسٹرکٹ پبلک پراسیکیوٹر آفس کو مشتبہ شخص کے کاغذات بھیجے۔

استغاثہ نے 27 مارچ کو اس پر باقاعدہ فرد جرم عائد کی۔ نہ تو استغاثہ اور نہ ہی پولیس نے یہ انکشاف کیا ہے کہ آیا ملزم نے اِن الزامات کو قبول کر لیا ہے یا نہیں۔

امریکی اہلکار پر مقدمے کا آغاز 12 جولائی سے ہو گا۔