کراچی کا موسم آج بھی شدید گرم؛ پارہ 42 ڈگری تک جانے کا امکان
کراچی: شہر قائد میں 23 جون سے درجہ حرارت میں مزید 2 ڈگری اضافے کا امکان ہے۔
چیف میٹرولوجسٹ سردار سرفراز کے مطابق 24 سے 26 جون کے دوران سمندری ہوائیں بند رہیں گی حبس کی صورت حال کے باعث گرمی کی شدت زیادہ محسوس کی جائے گی۔
سردار سرفراز نے کہا کہ 23 جون سے درجہ حرارت میں مزید 2 ڈگری اضافے کا امکان ہے جب کہ کراچی میں مون سون بارشوں کا آغاز جولائی کے پہلے ہفتے سے ہوگا اور سندھ کے بالائی اضلاع میں مغربی سسٹم کے تحت بادل برسیں گے۔
چیف میٹرولوجسٹ نے بتایا کہ جیکب آباد، کشمور، گھوٹکی، سکھر اور لاڑکانہ میں بارش کا امکان ہے جب کہ شکارپور، قمبر شہداد کوٹ اور دادو میں بھی آج اور کل گرج چمک کے ساتھ بارش متوقع ہے۔
انہوں نے مزید بتایا کہ کراچی کے مضافاتی علاقوں میں کل ہلکی بارش کی توقع کی جاسکتی ہے تاہم کراچی سمیت سندھ بھر میں مون سون بارشوں کا آغاز 4 جولائی سے ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
