غزہ جنگ بندی کے تحت لبنان میں جنگ رک جائے گی، عرب لیگ

ویب ڈیسک

27th Jun, 2024. 11:45 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ جنگ بندی کے تحت لبنان میں جنگ رک جائے گی، عرب لیگ

عرب لیگ کے اسسٹنٹ سیکرٹری جنرل کا کہنا ہے کہ غزہ میں جنگ بندی کے تحت لبنان میں جاری جنگ رک جائے گی۔

عرب میڈیا کی رپورٹ کے مطابق عرب لیگ کے اسسٹنٹ سیکرٹری جنرل حسام زکی نے اس بات پر زور دیا ہے کہ لبنان میں جنگ غزہ کی جنگ ختم ہونے پر رک جائے گی۔

حسام زکی نے کہا کہ ایسی غلطیوں سے گریز کیا جائے جو لبنان میں جنگ کو پھیلانے کا سبب بن جائیں۔

حالیہ دنوں میں لبنانی حزب اللہ اور اسرائیل کے درمیان کشیدگی میں اضافہ ہونے کے بعد خطرہ پیدا ہوگیا ہے کہ اسرائیلی فوج عرب اور عالمی انتباہات کے باوجود جنوبی لبنان میں وسیع آپریشن شروع کردے گی۔

عرب لیگ کے اسسٹنٹ سیکرٹری نے مزید کہا کہ عرب ممالک ایسی غلطیاں نہیں چاہتے جو جنگ کو وسعت دینے کا باعث بنیں اور معصوم لوگوں کو غلطیوں کی قیمت چکانی پڑے۔