کسانوں سے گندم نہ خریدنے کا معاملہ قومی اسمبلی کے اجلاس میں پہنچ گیا۔

وزیرپارلیمانی امورنے کہا کہ صوبے گندم خریداری کی اپنی پالیسی بناتےہیں، پاسکو نے 2 جون تک تک 1.8 ملین میٹرک ٹن گندم خریدی ہے، وزیراعظم نے 35 فیصد گندم خریداری ہدف بڑھایا ہے۔

اعظم نذیر تارڑنے کہا کہ خطے میں گندم سستی ہونے سے کسانوں کومشکلات پیش آئیں، عامرمگسی نے کہا کہ مڈل مین نے کسانوں سے 2700 روپےمیں گندم خریدی، مڈل مین نے4ہزارروپےمیں گندم فروخت کی اس کی تحقیقات کی جائیں۔

وزیرپارلیمانی امورنے کہا کہ وزیراعظم نے ذمہ داران کے خلاف مقدمات درج کرائے ہیں، جےآئی ٹی بنائی گئی، کسی بےگناہ کونہیں پکڑا جائے گا، گندم 2800روپے سے اوپرنہیں گئی، بجٹ میں بھی کسانوں کیلئے رقم رکھنے جا رہے ہیں۔

رکن پی پی حناربانی کھرنے کہا کہ حکومت کسانوں کوگندم کاخرچ بھی دینےکوتیارنہیں، حکومت کل پھریوکرین کے کسانوں کورقم دے گی، اپنےکسانوں کونہیں، بجلی میں کسانوں کوسبسٹڈی نہیں دی جارہی۔

پی پی رکن نفیسہ شاہ نے گندم کی انکوائری کمیٹی کی تحقیقات پرتحقیقات کرانےکامطالبہ کرتے ہوئے کہا کہ گندم کی تحقیقات مذاق بن کررہ گئی، تحقیقات کے نام پرمعاملے کوالتوامیں ڈال دیا گیا۔

اعظم نذیر تارڑنے کہا کہ نوجوان کسانوں سمیت دیگرکیلئے80ارب روپےرکھےجارہےہیں۔

سنی اتحاد کونسل کے رکن ثنااللہ مستی خیل، سابق اسپیکراسد قیصرنے بھی گندم کی عدالتی تحقیقات کامطالبہ کردیا۔

وزیرپارلیمانی اموراعظم نذیرتارڑنے کہا کہ اس ایوان کی انکوائری کمیٹی بنالیں، جس پرپی پی رکن حسین طارق نے کہا کہ چلوعدالتی تحقیقات کوچھوڑیں اس ایوان کی کمیٹی بنائیں، مقررہ مدت کی کمیٹی بنائی جائے، کسان سے اتنا ظلم کس نے کیا۔

اپوزیشن کے کسان کےساتھ ظلم نامنظورکےنعرے

اجلاس میں اپوزیشن کے کسان کے ساتھ ظلم نامنظورکےنعرے، سنی اتحاد کونسل نےگندم خریداری کاذمہ دارسابق نگراں وزیراعظم کوقراردے دیا۔

اسلم گھمن نے سوال کیا کہ سابق نگراں وزیراعظم کے خلاف تحقیقات کیوں نہیں ہورہی ہے؟ اعجازالحق نے کہا کہ پنجاب حکومت نے کسانوں سے گندم نہیں خریدی، پارلیمانی کمیٹی کی تحقیقات کرائی جائے۔

اعظم نذیر تارڑ نے کہا کہ اپوزیشن کے ایک رکن نے 10 ہزاربوریاں محکمے سے اٹھوائی، زرتاج گل نے کہا کہ وزیرپارلیمانی امور اس ایوان کی عزت کی بات کرتے ہیں۔ 22 سوالات کے جوابات ہی نہیں دیے گئے کیا یہ ایوان کی عزت ہے؟

شہریارآفریدی نے کہا کہ جب پورا پارلیمان کسان کے لئے قومی اسمبلی کی تحقیقاتی کمیٹی بنانےپر متفق ہے تو پھرحکومت  کی ٹانگیں کانپ کیوں رہی ہے، کمیٹی بنا دے، وزیرپارلیمانی امورنے توہاتھ کھڑے کردیے ہیں۔