وزیراعظم کی زیر صدارت قومی اقتصادی کونسل نے 13 ویں 5 سالہ منصوبے کی منظوری دے دی ہے۔

وزیراعظم شہبازشریف کی زیرصدارت قومی اقتصادی کونسل کے اجلاس میں سالانہ ترقیاتی منصوبے وکارکردگی، 2024-25 کے مجوزہ ترقیاتی پروگرام پربریفنگ دی گئی، آئندہ برس کیلئےشرح نموکےہدف میں واضح اضافہ کیاگیا۔

کونسل نے سالانہ ترقیاتی پلان25-2024 کی اصولی منظوری دے دی۔ آئندہ مالی سال 3.6 فیصد، 5 سالہ پلان کے تحت مالی سال2029 میں 6 فیصد گروتھ ہوگی۔ آئندہ 5 سال میں معاشی ترقی کا ہدف اوسطاً 5.1 فیصد رکھنے کی منظوری دی گئی۔

آئندہ مالی سال بجٹ میں زراعت کی گروتھ کا ہدف 2 فیصد رکھنے اورآئندہ بجٹ میں صنعتی گروتھ کا ہدف 4.4 فیصدرکھنے کی منظوری دے دی گئی ہے۔

قومی اقتصادی کونسل نے آئندہ بجٹ میں خدمات کے شعبے کی ترقی کا ہدف 4.1 فیصد رکھنے کی منظوری اوراگلےمالی سال برآمدات کا ہدف 40.5 ارب ڈالررکھنے کی بھی منظوری دی گئی۔

اقتصادی کونسل میں آئندہ مالی سال درآمدات کا ہدف 68.1 ارب ڈالررکھنے کی منظوری دی گئی جبکہ آئندہ مالی سال سمندر پار پاکستانیوں کی ترسیلات زرکا ہدف 30.2 ارب ڈالرمقررکیا گیا ہے۔

آئندہ مالی سال کرنٹ اکاؤنٹ خسارے کا ہدف 3.7 فیصد مقررکرنے کی بھی منظوری دی گئی۔ کونسل نے میکرواکنامک فریم ورک25-2024کی اشاعت کی منظوری دی۔

اجلاس میں وزارتوں، صوبوں وخصوصی اداروں کوسالانہ منصوبے پرعملدرآمد کی ہدایت کی گئی۔ کونسل نے کہا کہ معیشت کی شرح نموکے ہدف کوحاصل کرنے کیلئے صوبوں سے مشورہ کیاجائے۔

ملکی ترقی کیلئے قومی اہداف اوران کوحاصل کرنے کیلئے اقدامات سے آگاہ کیاگیا۔ ترقیاتی بجٹ کاجائزہ،2024-25 کے ترقیاتی بجٹ کے مجوزہ اعشاریے بھی پیش کیے گئے۔

بریفنگ میں بتایا گیا کہ آئندہ بجٹ میں سی پیک، تکمیل کے قریب منصوبوں کوترجیح دیں گے، غیرملکی سرمایہ کاری والے منصوبوں کوبجٹ میں ترجیح دی جائےگی، پسماندہ علاقوں کے منصوبوں کوترقیاتی بجٹ میں ترجیح دی جائےگی۔