ٹی 20 ورلڈ کپ، سپر 8 مرحلہ، انگلینڈ نے سپر پاور امریکہ کو باآسانی زیر کر لیا

ویب ڈیسک

23rd Jun, 2024. 11:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی 20 ورلڈ کپ، سپر 8 مرحلہ، انگلینڈ نے سپر پاور امریکہ کو باآسانی زیر کر لیا

ٹی 20 ورلڈ کپ سپر 8 مرحلے کے میچ میں انگلینڈ نے سپر پاور امریکہ کو 10 وکٹوں سے باآسانی شکست دے دی۔

انگلینڈ نے امریکہ کا 116 رنز کا ہدف 9.4 اوورز میں بغیر کسی نقصان کے حاصل کر لیا۔

انگلینڈ کی جانب سے جوز بٹلر کی 38 گیندوں پر 83 رنز کی جارحانہ اننگز سب سے نمایاں تھی، جس میں 7 چھکے اور 6 چوکے شامل تھے۔ فل سالٹ نے 25 رنز کی ناقابل شکست اننگز کھیلی۔

بارباڈوس کے کینسنگٹن اوول اسٹیڈیم میں کھیلے گئے میچ میں انگلینڈ نے ٹاس جیت کر پہلے فیلڈنگ کا فیصلہ کیا، جو درست ثابت ہوا، امریکہ کی پوری ٹیم 18.5 اوورز میں 115 رنز بنا کر آؤٹ ہو گئی۔

امریکہ کے نتیش کمار سب سے نمایاں بیٹسمین تھے جنہوں نے 30 رنز بنائے، کورے اینڈرسن 29 اور ہرمیت سنگھ نے 21 رنز بنائے، امریکہ کے 4 کھلاڑیوں کو صفر کی ہزیمت اٹھانا پڑی۔

انگلینڈ کی جانب سے کرس جارڈن نے میچ میں ہیٹرک سمیت 4 کھلاڑیوں کو آؤٹ کیا۔

سیم کرن اور عادل رشید نے 2،2 اور لیام لیونگسٹون اور ٹوپلے نے ایک، ایک کھلاڑی کو آؤٹ کیا۔