پاکستان کی جانب سے امدادی سامان کی نویں کھیپ غزہ روانہ

ویب ڈیسک

14th Jun, 2024. 07:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کی جانب سے امدادی سامان کی نویں کھیپ غزہ روانہ

کراچی: این ڈی ایم اے نے الخدمت فاؤنڈیشن کے تعاون سے امدادی سامان کی نویں کھیپ غزہ کے لیے روانہ کردی۔

حکومت پاکستان کی جانب سے غزہ کے لیے امداد کی فراہمی کا سلسلہ جاری ہے جب کہ این ڈی ایم اے نے الخدمت فاؤنڈیشن کے تعاون سے امدادی سامان کی نویں کھیپ روانہ کردی ہے۔

امدادی سامان کراچی سے اقبا پورٹ اردن کے لیے روانہ کیا گیا، این ڈی ایم اے اورالخدمت فاؤنڈیشن کے نمائندگان کراچی میں ہونے والی سامان روانگی تقریب میں موجود تھے۔

روانہ کئے گئے 300 ٹن امدادی سامان میں ادویات، حفظان صحت کی کٹس اورراشن بیگزشامل ہیں۔

اس سے قبل این ڈی ایم اے نے تقریباً 1000 ٹن امداد پر مشتمل 8 امدادی کھیپیں بھیجی ہیں۔

سامان میں موسمی شدت سے بچانے کے لیے خصوصی خیمے، کمبل، سرجیکل سامان، ادویات، خواتین کے لیے ضرورت کے سامان کے علاوہ راشن بیگز شامل تھے۔