روسی صدر ولادیمیر پیوٹن نے یوکرین تنازعہ حل کیلئے نیا فارمولہ پیش کردیا

ویب ڈیسک

15th Jun, 2024. 01:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روسی صدر ولادیمیر پیوٹن نے یوکرین تنازعہ حل کیلئے نیا فارمولہ پیش کردیا

روسی صدر ولادیمیر پیوٹن نے یوکرین تنازعہ کے حل کے لیے نیا فارمولہ پیش کردیا۔

بین الاقوامی خبررساں ادارے کے مطابق روسی صدر ولادیمیر پیوٹن نے شرط رکھی ہے کہ یوکرینی افواج روس سے الحاق کرنے والے یوکرینی علاقوں سے انخلاء کریں اور یوکرین نیٹو میں شمولیت سے انکار کرے۔

انہوں نے کہا کہ ان اقدامات کے بعد ماسکو جنگ بندی کردے گا اور بات چیت کاآغاز کردیا جائے گا۔

ولادیمیر پیوٹن کا مزید کہنا تھا کہ یوکرین سے متعلق سمجھوتوں کو عالمی معاہدے بنانا ہوگا۔ کریمیا اور سیوستوپول کو بھی روسی علاقے تسلیم کرنا ہوگا۔

انہوں نے خبردار کیا ہے کہ یوکرین تنازعہ روس سے مخلصانہ بات چیت کیے بغیر کبھی حل نہیں ہوگا۔

روسی صدر نے کہا کہ روس تاریخ کا سانحے سے بھرا صفحہ پلٹ کر یوکرین اور یورپ سے تعلقات بتدریج بہترکرنا چاہتا ہے تاہم اگر یوکرین اور مغرب بات چیت کی پیشکش کو مسترد کرتے ہیں تو وہی خون خرابے کے ذمہ دار ہوں گے۔

ولادیمیر پیوٹن نے کہا کہ روس پہلے روز سے امن چاہتا ہے مگر مغرب نہ صرف روس کے مفادات کو نظرانداز کررہا ہے بلکہ یوکرین کو روس سے مذاکرات کرنے سے بھی روک رہا ہے۔